Saturday, 19 April 2014
Gobierno: Minister President Eman ricibi cu canto di e muchanan di Kukwisa School Print E-mail
Thursday, 29 November 2012 19:25

kukwisa DSC 0468
Diabierna un celebracion grandi ta tuma luga na Pos Chikito pa motibo cu ta bay cende luznan na rotonde di e bario door di Minister President Mike Eman. Un rotonde cu a wordo adopta door di e habitantenan di e bario y Kukwisa School. Prome Minister Eman ayera den oranan di mainta a haci un bishita na e scol di e bario pa gradici e alumnonan personalmente pa nan contribucion den e accion di bario di Team BoBario, di Ministerio y na mes momento invita nan pa ta presente na e evento special aki cu ta bay combina cu un Feria.

Di e manera aki, Team BoBario y Prome Minister kier promove e sentido di comunitarismo den bario. E Prome Mandatario a wordo ricibi na e scol pa un delegacion di 15 mucha, representando tur e klasnan di e scol. Bou guia di director juffrouw Lila Richardson, e muchanan a canta un composicion di e ex director Freddy Croes, na yegada di Prome Minister. Por a nota riba cara di e muchanan e alegria di por a yama Prome Minister Eman bon bini na nan scol. Juffrouw Lila durante e bishita aki a splica cu nan ta haci hopi na promove un actitud sano y saludabel; di coopera cu otro, muchanan cu ta keda un tiki atras ta wordo yuda, tur aspectonan cu ta cuadra cu e pensamento di comunitarismo di Prome Minister Eman. E dies rotondenan cu a wordo decora y ilumina bou guia di Team BoBario, a busca semper pa envolvi muchanan di scol den e accion di bario cu ta encera iluminacion di rotondenan, uzando materialnan reciclabel. Den caso di Kukwisa Basisschool, e muchanan di 5de klas a haci mayoria di e trabou, pero a haya ayudo di varios otro compañeronan di e scol. Durante e bishita e Sr. Eman a bisa cu Gobierno y e mes tambe ta masha agradecido cu nan sosten y nan bunita trabou. Apesar cu e mandatario tabatin un agenda druk, el a logra pasa den tur e klasnan y tabata encurasha e muchanan pa siña pa mañan nan logra e profesion cu nan kier. Rotonde di Pos Chikito, situa mey-mey di e bario, ta wordo inaugura y ilumina diabierna anochi, combina cu un feria. E evento ta cuminsa for di 6.30 di atardi y ta sigui te 11’or di anochi cu actuacion musical di varios grupo y tentnan di cuminda y cos dushi.

Comentarionan (2)Add Comment
wancho
November 30, 2012
201.229.14.49
Votes: -2
...

Vision di Marisol no di Nel, e ta 1 pa 2 biaha pa anja e ta pasa brug!

te
November 29, 2012
201.229.43.169
Votes: +1
...

Danki na vision di e gobierno anterior cu signatura di Nelson Oduber cu a trece e joya di e projecto aki esta e supermoderno retonde aki na Pos Chikito, cu a wordu boycotea pa e partido berde.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter