Saturday, 20 September 2014
Urvin Croes ta sinti honra di por a presenta Aruba su arte culinario na New York Print E-mail
Thursday, 29 November 2012 19:20

Urvin Croes White Modern Cuisine 5 Large
Urvin Croes di White Modern Cuisine tabata presente den e encuentro cu media Mericano na The Kitchen na New York. E tabata forma parti di un delegacion di artista cu a bin duna cada persona e calor di Aruba den e area di arte, musica y culinario.

El a prepara y duna un splicacion detaya na cada bishitante riba e cuminda cu a ser presenta e anochi special aki. Den un entrevista cu Urvin el a splica cu pe tabata un honor di por a participa den e evento aki, pa promove Aruba como meta principal, y tambe e por a promove su restaurant. Den e presentacion aki por a scucha tres pieza di Jonathan Vieira y pa loke ta trata arte culinario por a demostra cu Aruba tambe por cushina cumindanan moderno y cu productonan cultiva na Aruba mes manera concomber, tomati cu ta crece den nos tera. E cuminda tipico cu el a presenta y a papia di dje ta banana stoba cu veal envez di porco pa hacie diferente, funchi cu su saus, y e reaccionnan tabata hopi positivo. E bishitantenan a gusta e cuminda y nan a bisa cu nan lo bin Aruba y lo come den e diferente restaurantnan pa purba kico Aruba por ofrece y e ta convenci cu ta hopi mes. El a gradici e invitacion di ATA, ministerio di turismo pa un gesto asina special cu ta keda un honor pe.

gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter