Wednesday, 03 September 2014
Gasto di personal di ATA pa 2013 ta subi cu 6.6% Print E-mail
Thursday, 29 November 2012 19:02

otmar
Minister Otmar Oduber den cuadro di entrega di presupuesto di ATA pa 2013 na Parlamento a indica cu el a tuma nota cu Parlamentario Juan David Yrausquin den un comunicado di prensa a menciona cu segun e presupuesto por a mira cu ATA lo conoce un aumento di 33% pa loke ta gastonan di personal, lo cual no ta e caso.

E mandatario a duna di conoce cu por ta e percepcion aki a bin posiblemente pasobra e no a compronde e presupuesto den su totalidad. E presupuesto a wordo entrega hunto cu e business plan caminda cu por mira na 3 diferente pagina tin 3 diferente cifra, pasobra por interprete diferente. Promer cu a transforma ATA den sui generis e gastonan total pa loke ta trata personal 13.7 miyon Florin, na 2011 ora ATA a haya su bachi nobo e gastonan di personal a baha y despues na 2012 a aumenta pasobra mester a pone tur e personanan ‘in place’ y a yega na 13.7 miyon Florin. Aki mester tene na cuenta cu e presupuesto aki a wordo aproba pa Parlamento di Aruba. Comparando 2012 cu 2013 e diferencia ta di 911 mil florin , cu ta representa un aumento di 6.6%. Minister Oduber ta indica cu un aumento di 33% den gasto di personal ta algo ilogico y cu e ta kere cu e interpretacion di Juan David Yrausquin ta mas bien un mal comrpendemento debi na e forma con e budget ta hinca den otro. Di otro banda el a menciona cu ta generando pa aña 2013 un suma di alrededor di 17 miyon adicional pa ATA debi na e TPL (e 10 dollar cu ta wordo cobra pa ticketnan inbound di e bishitantenan) como tambe na room tax ( caminda por mira tambe aumento den tarifanan di hotel cu ta refleha den e tax). Gran parti di e suma aki ta bay pa aspecto di personal, mientras cu mercadeo di pais Aruba ta bay haya un aumento di 13 miyon Florin. Consecuencia di e pasonan aki ta cu e reserva cu kier a crea den 5 aña ta bay logra yegue den aproximadamente 4 aña, cu ta cubri e mercadeo di 3/12 parti di un aña.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter