Sunday, 26 October 2014
Aruba ta conoce oficialmente su di tres aerolinea local Print E-mail
Thursday, 29 November 2012 18:58

i
Oduber a firma e Air Operator’s Certificate (AOC) di Insel Air Aruba, oficializando asina un otro aerolinea local den corto tempo. Minister Oduber a felicita gerencia di Insel Air presente na Aruba y a gradici e trabounan grandi di personal di Departamento di Aviacion Civil durante henter e proceso di certificacion, cu a dura aproximadamente 1 aña y mey.

Henter e proceso aki a cuminsa a base di un relacion cu a wordo crea for di momento di e promer bishita di Minister Oduber na KLM na 2009 caminda a mustra e posibilidadnan grandi cu tin pa crea coneccionnan aereo a traves di Aruba. Na e momento ey Insel Air a bira parti integral di e conversacionnan pa por realiza e meta aki cu a wordo poni for di e tempo ey. Un aña y mey pasa a sinta hunto cu Insel Air y Tiara Air y a stipula e plannan pa futuro. “Awe nos ta asina contento cu Insel Air Aruba ta wordo oficialmente funda mirando cu awe nos ta firma nan AOC cu ta dunanan e licencianan necesario usa Aruba como nan base”, Minister Oduber a duna di conoce. Agregando na esaki, den su calidad di Minister di Labor, el a indica cu e ta un noticia positivo tambe den e area laboral mirando e cantidad di cuponan di trabou cu ta wordo habri. Cu e firma di e AOC ta duna inicio na un era nobo caminda ta conta awor cu tres aerolinea local cu ta expande nan halanan, ta amplia e cantidad di ruta, pero sin kibra otro, al contrario trahando cu otro. Minister Otmar Oduber na final a duna henter e team di Insel Air Aruba un pabien grandi pa e bunita logro aki cu ta na beneficio di henter nos isla.

gallery1 gallery1 gallery1

Comentarionan (4)Add Comment
prorubiano
November 30, 2012
201.229.35.155
Votes: +4
...

alcontrario esaki ta competencia y competencia semper ta bon pa e consumidornan. asina ta e otro aerolinianan mester cuminsa ofrece mihor tarifanan y cuminsa duna mihor servico.

thinker
November 30, 2012
188.50.110.141
Votes: +4
...

btw na buchi pilot. e cabuya rond di garganta ta bini dor di falta di invershon, vishon y manejo di cada compania. En todo caso suerte na nos tur den e mundo di aviashon aki.

thinker
November 30, 2012
188.50.110.141
Votes: +2
...

masha pabien na Insel air, ban spera cu nan por sigui crese y bira un parti grandi den mundo di aviashon di Aruba, pero nan test di mas grandi lo ta e cambio di flota pa uno mas moderno y efficiente cu mester bini si nan tin long term plans y kier competi riba nan rutanan.

buchi pilot
November 29, 2012
201.229.6.245
Votes: +3
...

Danki min oduber pa colga e cabuya rond di e garganta di nos compania nang local.
E resto di bo bida ta sigura pero nos cu ta aviacion na aruba ta insigur awo atrobe.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter