Sunday, 20 April 2014
Pa esnan sin dak OneMore lo parti cuminda fin di siman aki Print E-mail
Thursday, 29 November 2012 16:18
DSC_2063
Pasco a yega trempan pa tur den nececidad. E grupo OneMore ta invita pueblo di Aruba pa forma parti di "OneMore Meal". E evento lo tuma lugar Diadomingo awor 2 di December.

For di 11or di mainta te cu 3or di atardi riba e parking lot di ex-Hotel Central den centro di ciudad lo tin un actividad pa tur esnan den nos comunidad cu tin problema bastante serio cu pa un motibo of otro no tin un dak bou nan cabes y ta biba riba caya.

Den boca di pueblo nan ta mas conoci manera choler. Autoridadnan ta trahando riba e problematica aki hopi duro y pa e motibo aki nos como ciudadanonan por haci un gran diferencia y forma parti di e solucion tambe. Ta net pa e motivo aki OneMore ta invita tur hende cu lo kier colabora pa forma parti di e comunidad di OneMore. Laga nos tur bin hunto yuda esnan den necesidad cu un dushi lunch, musica, corta di cabei, paña limpi, cuido di salud y mas cu claro informacion tocante rehabilitacion, testimonio y charla di parti di diferente fundacion nan pa e hende cu ta biba riba caya. Pa mesun motibo e lema di evento ta"stop surviving, start living"

OneMore ta un organisacion "non-profit" cu meta pa trece e balornan positivo bek riba nos isla. E rais di mayoria di problemanan na Aruba awendia ta e falta di amor y hopi rechazo. Ningun hende ta preocupa pa cu prohimo mas. Esaki a trece e perdida di tur e balornan. Pa por demonstra amor, afecto pa nos hende. OneMore dor di organisa diferente actividad y proyectonan ta stimula di yega na su meta. Asina un y tur por ban bisa di berdad atrobe: “ARUBA ONE HAPPY ISLAND”

dowers dowers dowers
dowers   

Comentarionan (1)Add Comment
edilia
November 30, 2012
190.121.239.146
Votes: +0
...

Hopi valioso... un acto hermoso de ayuda.. felicitaciones!smilies/smiley.gif

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter