Thursday, 02 October 2014
ArubaBbank lo ta presente na car extravansa diasabra awor Print E-mail
Thursday, 29 November 2012 15:36
DSC_2063
Durante e dianan di Fin di Aña ta e momento ideal pa bo busca bo auto nobo y Aruba Bank tin e miho oferta pa un y tur. E mihor deal di auto “Wow Own It Now” di Aruba Bank tin e miho condicionnan pa permiti abo disfruta di bo auto nobo ainda den 2012. 

P’esey mes Aruba Bank lo ta presente cu algun representante durante e fabuloso “Car Xtravaganza” na Stern na Tanki Leendert, riba diasabra 1 di december venidero, for di 9’or di mainta te cu 1or di merdia. Durante e “Car Xtravaganza” aki bo por haya varios modelo di auto, pa tur gusto y presupuesto, tanto nobo como segunda mano na benta. Aruba Bank ta ofrece tur esunnan interesa un ganga unico cu nan “Wow Own It Now” deal.

E “Wow Own It Now” deal ta encera 100% financiamento y cu un termino di pago te 5 aña. Pa autonan luhoso riba AWG 50.000  tin un termino di pago te 6 aña. Tambe e deal aki tin e famoso opcion di cumpra awo y paga despues di 3 luna y un tarifa di interes hopi atractivo cu ta varia entre 9.64% y 9.66%. Ademas di tur esaki bo ta ricibi un Credit Card na balor di USD 1000,- of un ArubaCard na balor di Awg 2500,-  preaproba. Aruba Bank mes ta brinda bo e servicionan di seguro y ta asisti tur e clientenan pa scoge e miho seguro di auto cu e miho cobertura pa fit nan necesidadnan di seguro di auto.

Ta importante pa bin cu tur e documentonan necesario, p’asina garantisa rapidez y efectividad di servicio. E documentonan cu mester trece ta; un copia di un ID valido, dos muestra di pago di salario, un carta di referencia di bo doño di trabou, prueba di residencia (Carta di Censo of e ultimo recibo di WEB, Elmar of SETAR cu tin bo nomber riba dje y adres), permiso di trabou (si no ta residente Hulandes) y e informacion di e auto cu bo kier cumpra.

Tambe por  bishita www.arubabank.com y por haya tur e informacionnan tocante un prestamo di auto y asina haci e procedura mas rapido y efectivo den trankilidad di bo hogar of oficina.

Pues no pensa mas y probecha di e tremendo “Car Xtravaganza” aki y scoge bo auto di bo gusto pa e temporada di Fin di Aña. Djis bin cu tur bo documentonan diasabra na Stern, situa na Tanki Leendert, cuminsando for di 9’or di mainta te cu 1or di atardi.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter