Thursday, 18 September 2014
Rudy Lampe: Partido RED ta felicita IPA cu su acreditacion, mientras Departamento di Impuesto ta crea mas duda Print E-mail
Thursday, 29 November 2012 12:05
DSC_2063
E Instituto Pedagogico Arubano a risibi e grato noticia cu e ta keda acredita como institucion di educacion superior. Ta trata di un logro grandi, ya cu IPA ta e prome institucion na Aruba cu ta logra acreditacion.

Na Hulanda si un institucion educativo no logra su acreditacion, e ta perde subsidio di gobierno. Studiantenan cu caba IPA for di awor lo por conta cu un diploma di un institucion acredita, loke ta habri hopi porta den Reino. Un pabien ta na su lugar na henter e team di IPA, cu a traha duro pa logra e meta aki.

Un otro noticia menos agradabel ta regarda otro departamento di gobierno. Ta trata di Departamento di Impuesto. Gobierno di Aruba a saca un comunicado di prensa cu a crea mas duda pa loke ta integridad den e maneho di e departamento aki. Otro siman lo trata den Parlamento e rapport di Contraloria General tocante integridad den Departamento di Impuesto y awor si cos a bruha despues di e comunicado di gobierno.

E comunicado ta bisa cu sr. Jossy Mansur no debe 20 miyon di florin y cu e maneho ta pa jega na un areglo di pago. A jega na un arrreglo di pago di solamente 1.5 miyon florin? Kiko e suma atrasa di impuesto ta ensera? Ta trata di impuesto di salario di trahadornan, prima di AZV etc. cu a kita for di nan salario y cu no a deposita riba cuenta di gobierno? Pa esaki tambe tin arreglo di pago? E comunicado ta confirma cu a schors diferente trahador pa motibo di e leak di e informacion aki di Jossy Mansur. E pregunta ta dicon no a tuma ningun medida pa e leak di informacion di siman pasa ora cu parlamentario Booshi Wever a bisa na prensa cu un joyeria lo a debe mas di 12 miyon florin y cu a jega na un arreglo cu solamente ta paga 1.3 miyon florin? Di con den e caso aki di e joyeria no a schors ningun trahador y den e caso di Jossy Mansur si a schors trahador? Ta midi cu dos midi? No ta esei ta falta di integridad? E comunicado ta sigui bisa cu no a retira e directie anterior di Departamento di Impuesto, pero dicon tin caso den corte pa hopi tempo caba riba e asunto aki y nan ta na cas y a nombra un managementteam nobo di esnan cu ta jega na partido AVP?

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter