| N.V. ELMAR Solar Panel Kits a yega Aruba |
 |
 |
| Thursday, 29 November 2012 11:05 | |||||||||||||||||||||||||||||||
 Solar Panel Kits di ELMAR a yega Aruba y benta ta progresando. Ya cinco famia a cumpra nan solar panel kit. ELMAR ta ripara cu e interes den energia solar a subi considerablemente y hopi hende ta acerca ELMAR pa busca mas informacion. Elmar ta wak futuro den energia solar y lo traha duro pa por brinda Aruba un tremendo producto cu servicio amplio.
ELMAR ta bende Solar Panels di marca ASP cu ta produci na Merca. A scoge pa e marca aki pa motibo cu e ta di calidad halto. E solar panels tin certificacion internacional. Cual un di nan ta garantisa cu e solar panel ta wanta e salpeter cu nos tin na Aruba. E fabrica ta extende un garantia di 25 aña y ELMAR lo intermedia encaso cu mester claim e garantia. Tin cuater opcion pa fit tur cas dependiendo nan consumo. Financiamento ta posibel cu un prestamo special di 7% cu CMB. Pa mas informacion por tuma contacto cu Freddy Vargas, j.vargas@elmar.aw of yama na 5237100 ext. 139.
ELMAR kier brinda un servicio excelente y crea balor sostenibel pa su clientenan y pa comunidad en general. Pa ELMAR ta importante pa comunidad por tin accesibilidad na energia solar na un prijs competitivo. A largo plaso, esaki lo yuda reduci gastonan di coriente y tambe ta pone hende bira mas consciente tocante nan consumo di energia. ELMAR ta un organisacion lider den distribucion di electricidad confiabel door di brinda servicio excelente. Pa ELMAR ta sumamente importante pa continuamente garantisa distribucion di coriente confiabel na tur sector di nos comunidad na un prijs mas abou posibel, manteniendo un medio ambiente sostenibel.
|
Mustra/Kita e formulario di comentario
mi twt busca Mike ariba e potret y no a haje.
Mike ta na Aruba? Brasil? Hulanda? Malo? Of ningun hende no a bise.
Mika ta ariba e forklift?
Mieke sigur lo a bin pa pronk cu pluma di otro hende.