Friday, 19 September 2014
Rudy Lampe: Sir Richard Branson tocante e politica anti-cannabis di Gabinete Mike Eman Print E-mail
Thursday, 29 November 2012 10:59
DSC_2063
Den e revista Aruba Dushi Tera di Gobierno di Aruba pa loke ta e number di Augustus/September 2012 ta sali riba e kaft un portret di Sir Richard Branson y sr. Mike Eman. Tambe riba pagina 9 ta sali un articulo unda ta cita Sir Richard Branson mencionando cu Aruba ta un ehempel. Pesei Rudy Lampe a busca contacto cu Sir Richard Branson pa splika su persona loke ta pasando na Aruba.

Na mei 2012 Sir Richard Branson a risibi e 2012 Cannabis Culture Award na Barcelona. E a risibi e premio aki pa su lucha pa legalisa cannabis na mundo. Hunto cu ex-president di Brasil, Fernando Henrique Cardoso, y ex-Secretario General di Naciones Uni, Koffi Annan, e a scirbi un informe cu a impacta mundo cu ta pidi pa legalisa cannabis.

Na apertura di e museo mas grandi na mundo di cannabis na Barcelona, Sir Richard Branson a splica cu legalisacion di cannabis na Spanja lo ta e solucion pa e problemanan economico y financiero cu Spanja ta pasa aden. Ta masha hopi producto por traha di cannabis. Rudy Lampe a mustra prensa un rosario cu e tin bisti traha di cannabis y di Barcelona. Den Parlamento Ingles, Sir Richard Branson a splica su paisanonan cu mester regula y tax cannabis. E a bisa cu ta absurdo cu na Inglatera 20% di e tempo di polis y miles di miyones di dollars ta dedica na persegui hobennan cu ta usa cannabis. E a argumenta cu cifra di Portugal, cu a legalisa cannabis, cu ora bo legalisa cannabis e consumo di droga pisa manera cocaina ta cai cu mas cu 50%.

Den companianan di Sir Richard Branson ningun trahador cu test positivo riba cannabis ta wordo kita foi trabao. Pesei Rudy Lampe a haci e pregunta na Sir Richard Branson, con ta posibel cu e ta lucha rond mundo pa legalisa cannabis, anto e ta apoya Gabinete Mike Eman cu a caba di pasa un ley cu ta declara guerra na cannabis. Rudy Lampe a scirbi cu e ta admira e trayectoria di Sir Richard Branson, kende ta defende e miho causanan di humanidad, y pesei e ta contradeci su trajectoria cu e ta laga su mes wordo usa dor di Gabinete Mike Eman cu ta manda hoben den prison pa motibo di uso personal di cannabis. Esaki por bira un mancha riba trajectoria intachabel di Branson, Lampe a conclui.

 

Comentarionan (2)Add Comment
mi
November 30, 2012
201.229.77.81
Votes: +1
...

Ami tambe ta anti-canabes . Mi por vota pabo toch?

El
November 29, 2012
201.229.71.24
Votes: +3
...

Mira Rudy. Bo ta papia di Spanja cy Portugal ta husa droga bai goal. Si ta eynan bo kier bai nos lo paga un one way ticket pa bo bai biba na e pais nan ey tambe, please no bolbe nunka mas!!!! Ami y mi familia no kier wak droga den nos cas. Mi casa tin un ruman cu ta total loss di e maldita droga y ta cannabis e ta huma tur dia.E ruman no ta sirbi pa nada te cu ta choller e la bira y ta horta y hasi hende nan bida imposibel OK! Asina ta bai for di Aruba pa caba y stop cu e baina aki, PLEASE!!!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter