Friday, 31 October 2014
Junior Tecla pronto na Aruba Print E-mail
Thursday, 29 November 2012 10:55
DSC_2063
E compositor y cantante Junior Tecla conosi cu e cantika “Cuide Flor” lo ta pronto na Aruba pa promove su single nobo “Aurora Cries” y tambe pa un presentacion 13 December den cuadro di un “fundraising” pa e proyecto “Cas di Glas”. Pa esnan cu no conose Junior Tecla ainda aki un poco di Junior su biografia.

Junior Tecla a nace na Belgica y ta bin di mayornan Curasoleño. Junior a biba gran parti di su bida na Hulanda pero tambe a biba un tempo na Corsou. Na Hulanda den añanan 90 ela fungi como cantante principal di e banda “the Juize”. The Juize a duna Junior e oportunidad pa traha cu diferente artistanan conosi manera e productor Leon Ware. Leon a produci entre otro pa The Jackson Five, Marivin Gay y John Legend. Tur esaki a condusi na e encuentro cu e gran artisa di pop Leny Kravitz.

Den cuadro di e 25 aniversario di fayesimento di su idolo Bob Marley, ta motiva Junior pa conhuntamente cu su manager traha riba un show cu nan a yama “Tribute to Bob Marley”.

E banda “The Roots Riders”a haña hopi acogida y a bira un di e miho “Live Acts” na Hulanda.

Depues di a tour na Hulanda y rond mundo pa 5 aña cu Roots Riders, Junior a dicidi na dedica tempo riba su mesun musica.

Aña pasa Junior a bay Corsou y a forma parti di e teatro musical “Claus” di John Leerdam cu tabatin tambe un presentacion na Aruba. Durante di e presentacion aki, Junior a introdusi su hit nobo cu tabata ‘Cuida e Flor’. Un Cas di Cultura cu sala yen a lanta para y aplaudi Junior na final di su cantica y sin mas, e damanan presente cu a keda encanta cu Junior su carisma.

Despues cu Junior a regresa bek Hulanda, ela haña hopi invitacion pa presenta na Corsou y tambe na Hulanda a sigui cu diferente presentacion e.o. na Heineken Music Hall hunto cu artistanan popular manera Oletta Adams y Angie Stone. Tambe Junior tabatin e oportunidad pa presenta na “Bevrijdingspop” (un di e festivalnan mas grandi na Hulanda) y tambe den e programa di Jurgen Rayman unda ela presenta cu Cuide Flor.

Junior a regresa Corsou y a lansa dia 27 di October e single nobo “Aurora Cries” (Aurora ta yora), cual ta e tema musical di e pelicula “Tula”cu pronto lo wordo extrena..

Tecla kier yuda nos cominidad corda, cu nos determinacion a yuda confronta hopi desafio pa siglonan y a siña nos cu nos tin cu sigui planta e simianan di positivismo pa nos futuro generacion.

E single cu meta principal pa consientisa nos comunidad, a wordo skirbi dies aña pasa, inspira door di un combersacion cu musico Afro Americano Sheldon Riser. Riser su orguyo pa cu hende di color a inspira Tecla pa skirbi un di e canticanan mas spiritual cu el a yega di compone. Door cu e cantica ta tocante di e historia di sclavitud, Tecla ta admiti cu den comienso e no tabata sa bon kico e haci cu e cantica y el a pone un banda. Cu “Aurora ta yora”, Junior Tecla kier curasha nos hendenan pa conose su historia, yega na un luga di sanacion y sigui lucha pa un futuro briyante. “Ta manera Tula mes, den curpa di Sheldon, a inspirami pa conta e historia, pero e tabatin mester di e momento clave pa wordo revela na mundo”, Tecla ta splica.


 

 

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter