Sunday, 21 December 2014
Ricardo Croes: Trade Relations di ATA Mi compromiso cu Aruba ta comparti mi conocemento cu tur hende promocionando mi isla Print E-mail
Thursday, 29 November 2012 10:39
Comparti
DSC_2063
Cada un di nos tin un compromiso cu Aruba, principalmente cu nos turismo, pero sigur den e diferente areanan unda nos cada uno ta activo. Manera ya ta conoci, Aruba Tourism Authority (ATA) ta expandiendo e campaña di conscientisacion y motivacion.

E etapa nobo di e campaña di conscientisacion a wordo lansa na cuminsamento di september cu un bista den e bida di algun individuo trahando riba diferente tereno den nos comunidad. Ricardo Croes ta destaca den su compromiso cu Aruba y ta comparti su experiencia.

Ricardo Croes ta trahando actualmente den e departamento di Trade Relations di ATA. Nan tin e trabao pa ta den contacto cu esnan cu ta bin di exterior, entre otro prensa, editor, producentenan pero tambe e agencianan cu e relacionnan publico cu nan ta manda bin Aruba, pa asina duna un bon cobertura di nos isla na tur parti di mundo.

Na 1997, Ricardo Croes a drenta den servicio di ATA trahando den Relacionnan Publico -awor Trade Relations- na unda e ta responsabel pa traha un programa pa atende cu e gruponan cu ta bin Aruba. Ora un grupo ta bin Aruba, nan mester yena formularionan special y a base di esaki, Ricardo ta haya sa den kico nan ta interesa pa promociona nos isla.

Sr. Croes a conta cu prome cu su trabao na ATA, e tabata traha na Postkantoor como ‘Post Specialist’. El a traha riba e parti di automatizacion di Post na Aruba cual a dun’e hopi experiencia den e mundo digital.

Actualmente, Ricardo ta encanta cu e trabao cu e ta haciendo. “Esaki ta un trabao hopi dinamico y interesante. Bo mester tin un bon contacto cu tur e shareholder. Bo ta haya bo ta haci cu tur loke Aruba tin di ofrece di loke ta nos actividadnan. Asina bo por haya bo mes un rato riba lama, un rato den mondi, of den e hotelnan. Dia pa dia mi ta haya sa mas hopi di e producto Aruba en general”, e ta expresa.

Tin biaha nan ta sali pa haci e “honoring”. Esey ta un di e reconocimentonan cu ATA tin pa e asina yama “repeaters”, caminda ta honra e bishitantenan cu ta sigui bin Aruba pa tanto aña. Fuera di esey, esnan cu ta traha den e departamento di Trade Relations ta instructor tambe, dunando e agentenan di viahe les pa nan bira experto di e producto Aruba. Si e no ta haciendo esey, Ricardo ta trahando riba un programa pa un grupo di prensa of agencia cu ta bin Aruba, e ta indica, cu ta hopi.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter