Lo lanta blokade ora firma acuerdo cu Venezuela

Awe a tuma luga e reunion cu Gobierno di Aruba a sugeri pa asina yega na solucionnan pa e situacion cu a surgi na momento cu Venezuela a tuma unilateralmente e decision pa cera e fronteranan areo y maritimo cuasando un molestia hopi grandi pa esnan cu a keda pega eynan y nan famia. Tabata un reunion bastante intenso sinembargo e meta ta pa normalisa e relacionnan entre e islanan y Venezuela.

Rueda di Prensa di Gobierno riba Situacion di Venezuela

Rueda di Prensa di Gobierno riba Situacion di Venezuela

Posted by 24ora on Friday, January 12, 2018

Prome Minister despues di e reunion aki a duna un declaracion pa informa e resultado di e encuentro aki cu den su mes un palabranan tabata uno den un esfera hopi positivo, yen di entusiamso y constructivo.

 

Varios temanan a wordo trata y segun Prome Minister a cubri practimente tur e  descrepancianan cu a conduci na e escalacion di e situacion actual. E tema di contrabando di productonan cu Venezuela ta considera cu no por wordo exporta a wordo cubri. A haci palabracionnan di reglanan cu ta conta pa importacion pa e diferente paisnan.

 

Prome Minister a indica cu e tema di e pasaheronan cu ta keda pega na Venezuela tawata un tema di hopi prioridad na unda a yega na palabracionnan riba esaki tambe.

 

E reunion a conclui na unda partidonan a yega na un documento den un “draft” cu cada partido lo hiba nan cas pa discuti y pa e declaracionnan of acuerdonan aki wordo firma mas pronto posibel.

A haci palabracionnan riba loke nos ta yama “vervolgtraject”, e trayecto cu mester sigui ainda. Riba e tema di aduana ya tin palabracionnan cu a wordo haci caba y lo continua e siman nos dilanti. Prome cu esaki, Gobierno di Aruba ta spera cu lo firma e documento cu e palabracionnan aki den e proximo dianan nos dilanti pa asina e medidanan impone pa Venezuela wordo lanta.

 

Prome Minister a indica cu mientras cu esaki no wordo firma, sancionnna lo keda na vigor. Esaki kiermeen cu e medidanan di Venezuela di cera trafico aereo y maritimo entre Venezuela, Aruba, Boneiro y Corsow ta keda vigente pero si e delegacion di Venezuela a haci e promesa cu nos hendenan lo no keda pega na Venezuela.