Royal Caribbean a manda crucero pa yuda St. Maarten

Despues di e devastacion den Caribe debi na e yegada di Horcan Irma mas durante principio di siman, liñanan crucero ta uzando nan barconan masivo pa yuda, transporta provision y piki turistanan.
Nos ta papia aki di Enchantment of the Seas di Royal Caribbean International, unda cu e compania ta basa na Miami, ta evacuando su empleadonan riba su ruta for di e tormenta, segun e presidente y CEO Michael Bayley a conta Miami Herald riba diasabra, cu cuater barco lo wordo uza pa “Irma relief efforts”. Norwegian Cruise Line, basa na Miami, tambe a anuncia plannan diabierna pa uza un barco pa piki turistanan cu a keda atras den Caribe, entre otro na Sint Maarten tambe unda cu nan lo tin un “humanitarian stop”.
Pa esaki, un di e 4 barconan cu Royal Caribbean a manda ta Adventure of the Seas, cu a sali for di San Juan diasabra, riba un itinerario di shete anochi, lo desvia pa St. Maarten y lo yega e isla diadomingo mainta. E barco tambe lo laga provisionnan na St. Maarten.
E CEO y presidente di Royal Caribbean, sr. Bayley, a bisa cu nan ta trahando cu e Departamento di Estado Mericano pa coordina evacuacion di 200 pa 300 turista Mericano ainda riba e isla. Debi na cancelacion pa e tormenta, e barco ta nabegando cu cientos di cabina bashi pa acomoda e huespednan adicional.