Un otro punto cu tambe a wordo menciona door di MEP su futuro minister di finansas ta e biahe cu nan lo haci pa Hulanda. CAFT ta for di 2015 y tur e presupuestonan cu a keda entrega, e presupuestonan supletorio a cumpli cu nan. E normanan ta yega te 2018 y e Gobierno cu na 2018 mester ta na mando, esey tambe a palabra, cu na momento cu tin un presupuesto balansa di manera duradero, cu tin ya caba un surplus di 0.5%, ta bay wak e diferente otro formanan. Loke a prepara tabata un begrotingskamer na Aruba, pero ta negociacionnan cu tin cu yega Hulanda y esey ta algo pasobra AVP a haci’e, sino palabracionnan cu a yega cun’e na Hulanda cu na 2018, ora yega na un presupuesto balansa, lo sinta na mesa pa mira kico ta e miho normanan pa sigui garantisa e sostenibilidad di nos finansas publico. E deficit di 50 miyon ta normal. 0.5% di GDP, cu ta e deficit, ta igual na un deficit, y su tume den placa ta mas of menos 50 miyon florin. Esey ta loke a palabra y esey ta den ley di LAFT segun Richard Arends. Na 2017 tabata suppose di tin un deficit di 50 miyon florin y na 2018 un surplus di 50 miyon florin. Esey ta loke e ley, cual ta regla e supervision financiero pa Aruba.
