Dorylee Pappers-Lopez Penha ta inspectora di salubridad publico. E ta un di e personanan cu a firma e acuerdo. Semper ta importante pa yega na acuerdonan cu e partnernan mas importante di e veld. Manera cu a wordo menciona, di parti administrativo/bestuurlijk.
Ley di calidad ta duna nan tur herment cu nan tin mester pa por actua. Esey ta inclui boet. Tin cierto momento tin cu cambia pa e parti penal. Pesey tin e cooperacion. Den cada caso lo sinta hunto y lo palabra cual lo ta e miho manera pa por pak aan e caso. Si lo haci’e via e hermentnan cu ley ta duna inspectie mes of lo bay pase over pa e parti penal.
Un team
E parti riba Facebook, e problema ta mas grandi. Inspectie a cuminsa for di aña pasa ta acumula e informacion. Tambe ta pidi pa esnan cu tin keho, pa acerca inspeccion di salud, por fabor mail nan e informacion. Loke ta haya hopi biaha ta hende ta screenshot diferente cos y nan ta mande pa nan. Asina poco poco ta traha un caso, caminda cu por treed op y officier van Justitie tambe por treed op.
Casonan lamentabel
Ta dificil pa bisa cu tabata tin specificamente un caso. E efecto ta hopi mas hancho cu esey. E ta toca diferente tema pa loke ta trata salubridad publico. E parti di antibiotica resistentie, y e calidad di producto cu bo ta tuma, por ta bo ta tuma un remedi cu bo cumpra un caminda cu bo no a haya via dokter, lo por afecta e remedi cu bo tin mester. Por ehempel bo ta tuma un remedi pa dolor di cabes, bo ta bay tuma kico cu ta, pero bo ta tumando remedi di presion. Kico ta pasa, e di dos remedi ta kita e efecto di e remedi di presion, cu tur e consecuencianan cu esey ta bin cun’e. Ta hopi mas complica cu djis tuma un remedi pasobra bo ta sinti bo mes malo. Salud di un persona ta hopi importante. Bo mester haya bo remedi via di e canalnan regular, via di un dokter y apotheker, pasobra nan ta controla e calidad di e remedi cu bo ta haya y esey ta importante como inspectie, calidad di cuido na Aruba.
