Nan a secuestra Larymar Primera. Nan a bay cun’e tur, el a splica. Pero ora cu a yega eynan, cu cara tapa, un di nan a puntre si e ta Primera, caminda cu el a bisa cu e conoce. Tur loke Primera a pensa ta wak su yiu crece, mirando cu e ta mama soltera. El a bisa e secuestradornan cu e lo paga nan pa no haci’e daño. Tur loke e tabata tin mester ta e pruebanan. Leynan Venezolano no ta bon. Akinan na Aruba, sin prueba, no por pone un denuncia. El a cuadra cu nan y a paga nan pa nan pasa e pruebanan. Nan a tuma e potret mara, y a mand’e pa e Jimenez y el a pensa cu e tabata morto. Pero cu el a wordo secuestra, esey tabata e hecho. E secuestradornan a bisa Primera cu ta Jimenez mes a planea tur cos. E muhe ta uno peligroso y parce no ta cun’e so el a haci esaki, sino cu hopi mas hende aki na Aruba. Esnan cu conoce Jimenez, sa cu e ta un muhe peligroso. E no ta apto pa Aruba. E tin varios yiu na Venezuela. Na Venezuela mes e no ta biba bon. E no tin ni sikiera un wc pa bay baña. Como un persona bibando asina malo y den estado pesimo, con e lo bay paga pa mata un hende y ni sikiera e mes ta biba bon.
E ta un persona hopi malo di cabes. Obviamente pa pidi pa nan viol’e y mat’e, pa haci tur esey, un persona bon di cabes, no ta haci esey.
Trankil
Primera a splica cu ayera el a ricibi menasa di e ruman muhe. El a cit’e pa wak’e 10’or di anochi, cual cos el a avisa Recherche pasobra nan a detene tambe. Nan a lage bay despues y nan no a hib’e Warda nos Costa. E ruman muhe tambe ta un persona peligroso. Tambe Primera a ricibi menasa cu si e pone e denuncia cu nan lo mata su tata. El a manda reubica su famia pa otro pais. Pero su tata si a keda. Si e no kita e denuncia, nan lo mata e tata. Pero Primera no ta baha cabes y no ta kita e denuncia. Mescos cu nan a haci’e daño, Jimenez a haci daño na hopi hende. E muhe a yega asina leu cu el a tene relacion cu un persona casa y a menase tambe. Esaki a wordo documenta den un video. Pero tur e pruebanan, mescos cu esun di Primera y e demas hendenan cu Jimenez a haci daño, tur ta den man di polis. Awo ta keda na nan pa actua.
