Super Pitokito un biaha mas a haya bishita di ladron. E biaha aki durante fin di siman di Carnaval. Doño di e pacus den Caya Grandi a haya sabor amargo ora diamars mainta a habri su lugar bin haya cahanan benta abou, glas dilanti kibra. E negoshi situa den skina di Oude Schoolstraat cu Caya G.F. Betico Croes ta apenas algun seconde leu for di Warda di Playa. Asina mes ladronnan no a respeta e cercania di autoridad. E comerciante a keda sinta un gran parti di mainta ta warda recherche y/of Polis cu sigur tabata poco druk cu tur e kiebronan cu a bin haya diamars mainta den Playa.
