Diabierna, pa mas of menos 9’or di anochi, patruya di Strandpolitie, pasando na altura di Alhambra Casino, a nota dos homber cu tapa di wiel den man, crusando caminda na careda. Di biaha e patruya a duna nan un señal pa para. Polis a baha for di patruya y a detene e dos individuonan aki. Transportwagen a presenta na e sitio y a transporta nan pa warda di strandpolitie, pa asina nan duna cuenta di e hecho.
