Diasabra mainta automobilistanan a bin ripara cu un bon pida di L.G. Smith Boulevard den centro di ciudad tabata cera pa trafico. Esaki relaciona cu trabounan necesario pa mantencion di Renaissance Mall y Marina Hotel. Poco pabou di e brug net dilanti e entrada di Crystal Casino tabatin un grua di Albo masha grandi.
E trabounan tabata encera pa baha un unidad masha pisa di airco. E aparato tin un peso di casi 1.6 ton pa cual a tuma tur precaucion necerario pa baha e unidad bieu y hisa e nobo bek. Den algun ora e trabou tabata cla, a haci esaki riba un diasabra pa asina evita molester riba trafico. Polis, DOW tambe tabata na e sitio pa sigura tur cos cana netjes.
