Tin basta dia cu nan ta controlando costa via tera. Tin un patruya riba tera y tin naturalmente e patruyanan riba lama. Nan dos hunto por haya un bista mas miho cu ta pasando na e costanan. Dado caso cu tin hendenan ta subi tera, tin patruyanan riba tera cu por atende cue saki. Esey no ta nifica cu nan no ta sigui traha cu tur e otro servicionan di Gobierno di Husticia. Ta haci esaki den cooperacion. Tur hende ta trece nan grano acerca cu asina ey tin un pantaya mas miho cu ta pasando y por actua mas eficaz.
Radar
Segun Roderick Gouverneur, e ta un herment cu por wordo uza pa por detecta cierto cosnan. Na e momentonan aki e sistema di radar naturalmente ta un ekipo hopi sofistica y ta pasando den un periodo di mantencion regular. Pero esey ta normal y mientras tanto cu esaki ta pasando, tin e otro ekiponan cu ta depende di dje. Bo ta haya un bon bista tambe di loke ta pasando den e area.
Gouverneur a agrega cu nan ta traha den estrecho cooperacion cu marina real y nan tin e barco di stacion cu ta pa un gran periodo durante aña y ta nabega rond di e islanan pa por duna su sosten den casonan, tanto di narcotrafico, imigracion ilegal. Tambe den casonan di buskeda y rescate, tambe ta uza e ekiponan di marina real.
Cifra
Durante e aña aki, locual ta hopi interesante, loke hende kier sa riba problema di Venezuela, hendenan ta biniendo hopi, normalmente no gusta uza cifra, pasobra esey por wordo interpreta na diferente manera. Pero toch ta importante pa bisa cu den e aña aki, por ehempel imigracion ilegal, 15 ilegal a keda deteni, a confisca 11 kilo di narcotica y tambe tres arma di candela, a keda confisca, esaki den un caso cu tabata tin recientemente den e parti nort di Aruba, caminda esakinan a keda confisca durante un posibel intento pa yega nos isla.
