Kustwacht tey pa proteha costanan di Caribe Hulandes

Roderick Gouverneur ta e vocero di Kustwacht di Caribe Hulandes y e ta conta di nan trabaonan en general cu nan ta haciendo y tambe un tiki riba e logronan di nan. Ta bon pa pueblo sa con activo nan ta. No ta tur noticia ta sali den publicidad.

Kustwacht di Caribe Hulandes tey specialmente pa proteha e costanan di Caribe Hulandes. E trabaonan ta diverso. Tin diferente tarea. E tarea primario ta pa combati traficacion di cosnan ilegal riba lama, por ehempel droga, arma y hende. Den e trabao aki mas of menos 80% di e tempo ta bay pa haci esaki.

Tur sa na aña 1996, tempo cu Kustwacht a lanta, e cosnan aki a lanta cabes hopi fuerte y ta pesey kustwacht a bin pa por combati e traficacion aki. Naturalmente ora cu tin tur e materialnan na luga, tin un centro di coordinacion na Corsou. Naturalmente e islanan tambe tin centro di coordinacion local cu por haci hopi cos. For di e centro aki por coordina tambe accionnan di rescate. Hopi biaha ta haya cu meldingnan di barconan cu tin problema riba lama. Hendenan cu ta wordo perdi, botonan cu ta sali afo y no ta regresa mas y tur e casonan aki ta casonan cu kustwacht tin cu atende cun’e. Normalmente ta haci esakinan cu nan ekipo. Tin tanto Super RHIB y e Cutternan cu ta traha den e areanan mas leu. Tin sosten di helicopter y tambe avion DASH y tambe radar ta un yudansa den e casonan aki pa nan por yuda soluciona cierto problemanan riba lama.

Gouverneur a splica cu nan ta contento cu e resultadonan cu nan ta hayando. Si mira bon den e aña aki cu, porcierto ta un aña hopi dificil unda cu tabata tin hopi problema cu nos pais bisiña, unda cu tin hendenan cu tabata purba via lama of otro medio pa yega nos islanan, Kustwacht ta basta exitoso den esaki. No ta solamente e medio y ekiponan cu nan tin, pero tambe e personal ta prepara pa haci e trabao aki. Tin cu agrega cu ta haci e trabao, den cooperacion estrecho cu e otro servicionan di Gobierno den Husticia, manera, polis, imigracion, Douane, ta servicionan cu ta traha cun’e pa forma hunto un bista completo di loke ta pasando y pa por opera mas eficaz y mas efectivo.