Por lo general e trabaonan di marina real, hunto cu kustwacht, ta sinti cu esaki tin su fruto. Segun Roderick Gouverneur, vocero di Kustwacht di Caribe Hulandes, ta un caso andante constante. Bo mester ta constantemente riba dje. E malhechornan tambe ta bin cu maneranan innovativo pa haci nan trabao y Kustwacht tambe y Marina Real mester keda innovativo tambe pa purba di ta un paso mas dilanti di criminalidad.
E problema pazuid
Normalmente den pasado, bo tabata tin bo oranan standard cu e wardanan ta sali. Awor aki bo ta traha mas dirigi, efectivo, na e oranan cu bo sa cu tin cosnan ta pasa. E ora bo ta zet in bo hendenan y bo ekipo pa bo haci e trabao. E sistema cu Kustwacht a cuminsa ta opera ultimamente ta, cu bo ta traha a base di informacion. Nan ta intercambia di informacion cu diferente servicio y hunto cu e informacion cu bo ta haya bo ta forma e imagen completo di loke ta pasando y bo por opera mucho mas efectivo di e manera aki.
No ta manera antes cu kustwacht ta subi lama, ta patruya, nabega riba bao, wak kico ta pasando y asina por actua, ta actua a base di informacion cu ta wordo haya.
Con pa yega na kustwacht
Ta depende hopi di e pueblo di Aruba y tambe di e islanan di Caribe Hulandes pap or yuda kustwacht haci su trabao. Bo por meld cada biaha cu mira algo straño na nos costanan of riba lama, door di yama 913. Ta un number gratis. Por yama kustwacht y nan ta actua mesora riba dje. E number ta un number gratis, manera menciona. Si bo yama, bo por keda anonimo y lo duna oido mesora na bo peticion.
Con pa bira miembro di kustwacht
Segun Gouverneur, cada aña tin un opleiding. E opleiding aki ta wordo duna of na Boneiro of na Corsou. Tin biaha cierto partinan ta wordo duna na Aruba tambe. Pa bo drenta e opleiding aki bo mester tin MAVO, bo mester ta entre 18 y 23 aña y bo no mester tin un strafblad. Si bo tabata tin contacto cu criminalidad lo bo no tin oportunidad pa drenta.
Ta hopi importante pa sigui nan website www.kustwacht.org of nan pagina di Facebook y riba dje ta publica e ora mesora ki temporada ta cuminsa busca hende pa nan por drenta e opleiding. Tin cuater aña caba cu a cuminsa cu un tipo di opleiding nobo. E ta un opleiding cu ta ser duna hunto cu e academia di polis di Hulanda y na momento cu termina e opleiding aki, cu ta dura 2 aña, bo ta haya un diploma di MBO 3. Cu e diploma aki, ora bo sali pa kustwacht, bo por stroom in hopi mas facil den e otro servicionan manera polis y Douane.
Interes
E interes ta hopi hopi grandi, Gouverneur a splica. Lamentablemente e cantidad di cupo cu nan tin pa drenta de opleiding aki no ta dje tanto ey. Naturalmente ora cu haya tur e meldingnan di hende cu drenta, esnan mas miho ta piki pa drenta e opleiding aki.
Temporada
Bo ta drenta, bo ta haya un contract di cinco aña. Despues di cuater aña, kustwacht ta percura pa paga un opleiding pabo, cu por hacibo mas miho riba mercado laboral.
Balor
E diploma aki tin un balor importante y ta hopi contento cu por a logra esaki, cu despues di dos aña bo tin un diploma na nivel MBO 3.
