Diadomingo marduga e unidad di kustwacht patruyando den Sero Colorado a topa cu un auto sospechoso moviendo. A bay su tras pa asina pidi refuerzo di Polis pa duna un man. Den e auto tabata tin dos homber.
Ora cu esnan den e Nissan March a constata cu tin autoridad nan tras, nan a trapa pa huy pero a perde control. Asina a drenta cierto mata di hubada. E dos ocupantenan a sali na careda drenta hubada y huy. Patruyanan di San Nicolas a yega y a cuminsa cu un buskeda tambe. E auto Nissan March RHD color shinishi tin e number A-62919. Ora a chek di kende e auto ta, a resulta cu e registracion no tey of no ta klop.
A confisca e auto. Mientrastanto ora cu e proceso di persecusion tabata tuma lugar a bin otro auto mete den e persecusion. Hasta a blokia e auto di personal di kustwacht. E auto aki a logra huy pero nan tin su informacion. Den e auto confisca a haya boter di Nightrain nobo nobo ainda.
