Kust Surveillance garando ilegalnan na costa

Pa algun siman caba tin un patruya di Kust Surveillance riba caya. Nan ta traha mayoria den oranan di anochi laat cu marduga pa mainta. Na varios ocasion ta vigila nos costanan y haci e control necesario riba movecion sospechoso.

Tin biaha ta core cu hende tambe for di costa ora cu nan ta relaha of pasa ratonan apart cu un conocir. No ta tur hende ta gusta e control. E keho mas grandi ta cu ta core cu e hendenan for di e sitio banda di costa of beach. Nan ta ok cu control pero ta sinti cu nan ta wordo cori inecesariamente. Ademas di esey tin kehonan tambe di piscadornan na baranca cu ta cuestiona dikon Kust Surveillance ta saca nan potret. Nan ta sinti cu den cierto forma sin ta sospechoso ta pasa den un situacion cu pa nan no ta corecto segun ley. No ta mira motibo pa e personal di Kust Surveilance legalmente saca potret di nan cara.

Mientrastanto e controlnan ta sigui. Den oranan di marduga a haya un indocumenta durante control na Arashi. Despues tambe den oranan di mainta birando cla banda di 6or a topa cu un homber canando banda di lama na Spaanlagoen weg. Ora a bay haci e control a descubri cu e persona no por a prueba cu e ta legal na Aruba. El a keda deteni riba caya. E personal di KustSurveillance a pidi presencia di un dogcatcher di San Nicolas cu a bin busca e persona cu lo wordo pasa over na Guarda Nos Costa. E foto aki mes ta esun di Spaanslagoen Weg. E indocumentanan cu a wordo deteni no ta esnan cu a subi tera e momento ey. Ta hendenan cu tin ya caba algun dia na Aruba.