Friday, 29 August 2014
A haña dama morto den kamber di resòrt na Hato Print E-mail
Tuesday, 01 January 2013 19:52

korps curacao

Djaluna 31 di desèmber 2012, alrededor di 23.12’or Sentral di Polis a haña notifikashon ku den un kamber di un resòrt na Hato a haña kurpa di un dama ku no ta duna señal di bida. Na yegada di e patruya polisial nan a bin haña un dama ku ta habitá un kamber na e resòrt drumi abou na suela banda di e kama i e no tabata duna señal di bida. Ambulans a yega na e sitio pero ya no por a hasi nada pa e dama aki.

For di un investigashon preliminar ku polis a realisá na e sitio a resultá ku e dama tabatin un herida na su boka i un shal na su garganta ku tabata steif mará. Alrededor di 00.32’or dòkter di polis a konstatá morto e dama, Rudilania Perez Perez, nasé na Sto. Domingo 16 aprel 1994, ku tabata laborá den e resòrt aki.

Riba òrdu di Fiskal di Ministerio públiko a konfiská e kurpa sin bida di Rudilania Perez pa mas investigashon. E posibilidatnan ta habrí, pero te na e momento aki no por konkluí sin mas ainda ku ta trata di un krímen òf ta morto pa otro kousa. Ta p’esei e investigashon tékniko / táktiko i outopsia di lei ta sumamente importante den e kaso aki.

E investigashon ta kontinuá.

Tep:

Ta supliká tur persona ku ta kere ku nan tin informashon riba e kaso aki, pa pasa e informashon aki pa Reshèrshi na numbernan: 8666-219/ 8666-221 / 8666222 (ora di kantor) òf 911 (24 ora pa dia).

Number anónimo: 108 (e number aki ta duna tur garantia di anonimidat).

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter