Minister Zita Jesus Leito huntu ku Servisio pa Planifikashon Urbano (ROP) ta kòrda tur hende ku djadumingu awor, 18 di febrüari 2018, promé ku 3or di atardi, ta último dia pa kita tur stelage riba ruta di Karnaval.
Despues di e temporada di Karnaval, tur doño di stelage ta obligá na kita nan stelage. Si e tim di prekario tuma nota ku esaki no a tuma lugá, e doño di stelage ta pèrdè su derechi di prekario pa próksimo temporada di Karnaval.
ROP ta gradesí un i tur pa e kooperashon durante e dianan di konstrukshon di nan stelage i ta hasi un apelashon pa no keda sin kita bo stelage na tempu.
