A kibra varios auto di Departamento di Labor

Den parkeerplaats di DIMAS/DAO na Paardenbaaistraat trahadornan a bin haya algun auto di e dienst cu glasnan rasca, un di e jeepnan tabata cu glas kibra. A bati alarma na Polis pa investiga e caso. Den e auto kibra a bin haya falta tambe di e bateria di auto. Ta parce cu den fin di siman largo di carnaval, antisocialnan a probecha pa haci nan fechoria.