A tuma nota cu hopi hende ta critica pasobra permisonan no ta cla na ora. Pero Dimas tambe tin problema cu tin permisonan cla, pero nan no ta bin buscanan. Kathy Paskel ta directora di Dimas y e ta conta cu nan ta traha den dos diferente manera pa manda bek na e cliente e contesta cu e tin algo cla p’e na Dimas. Nan ta traha cu postkantoor, unda cu a manda cierto cosnan via coreo sigura. E ora postkantoor ta manda un carchi roos of cora y e hende tin cu bay recoge su carta di Dimas na Postkantoor. Pero tambe nan ta traha cu e-mail. E mesun e-mail cu e cliente ta haci cita cun’e, na final di e proceso ta manda avisa cu tin un carta p’e na Dimas y ta pasa recoge, sea cu ta un permiso, of un ke otro carta cu ta pidi documentonan adicional of si tin pagonan cu tin haci adicional, lo tin esey cla p’e. Tin cashinan yen di permiso, carta y tambe cobransa, cual a manda e cliente notificacion cu tin algo cla pa nan y nan no a bin ainda. Ta bezig ta wak con ta bay deal cu esey pasobra dado momento e tempo ta core y tin nan cla.
Valides di permisonan cla
Ta importante pa e cliente tin e documento den su man. Cada permiso ta valido pa un duracion di 1 aña y ta depende si el a entrege na tempo of no. Si el a entrege prome cu esun a vence, e lo core e ora di e datum cu esun a vence pa un aña y si el a entrege laat, e ta conta di e fecha cu el a entreg’e plus un aña. Tin esnan cu a pidi un prome peticion, nan tin un procedura cu ta cana prome cu esey, unda cu si e wordo honra, nan lo haya un VTA pa bin haci nan testnan medico y despues di esey lo haya e permiso. Tin diferente tipo di permiso cu ta atende y tin di nan ta prome peticion. Otronan ta prolongacion y otronan ta cambio. E ta importante pa e cliente tin e documento den su man cu na momento cu si ta na pia di trabao e wordo controla, cu e por comproba cu e tin su estadia cu esaki ta valido.
Maneho di permiso
Paskel a comenta cu nan ta monitor esaki semanalmente y ta wak e cifranan. E target ta pa reduci e termino pa seis siman. Nan no ta na e 80% cu nan kier logra, ainda. Nan ta riba 68%. Ta loke nan ta trahando riba dje. Na cuminsamento di September nan tin algun otro cambio cu nan lo introduci cu lo haci cu e termino pa atende cu un permiso lo baha drasticamente. Trahado poco poco nan proyecto di mehoracion ta cayendo poco poco in place. Cu tempo nan lo kier reduci e termino ey tambe na menos.
