Scolnan Abraham de Veer, Filomena College, San Augustin College y tambe Colegio San Nicolas a uni hunto pa un jump up grandi. Den ora nan di diabierna mainta e jump up a sali di YMCA y a termina na Carnival Village. Le Groove y Tsunami a compaña e scolnan aki pa por deleita nan cu bon musica di Carnaval. Comicion organisatario a keda sumamente contento cu e resultado di e jump up aki, mirando cu un y tur a sa di comporta nan mes!
