Ivan Duque, di e partido Centro Democratico, a keda eligi presidente di Colombia diadomingo, 17 di Juni. Duque a gana e eleccion cu 10.347.891 voto na fabor (99.62% di e escrutinio di mesa), superando e candidato di Colombia Humana, Gustavo Petro, kende a alcansa un votacion di 8.022.135). E boto en blanco a haya 807.455 sufragio.
Mas di 36.2 miyon di ciudadaeno tabata por a eligi e sucesor di Juan Manuel Santos den Casa de Nariño, kende lo e entrega e cargo dia 7 di Augustus proximo.
Marta Lucia Ramirez lo ocupa e puesto di vicepresidente di e pais. Ramirez tabata senadora (2006-2009), minister di Defensa (2002-2003), minister di Comercio Exterior (1998-2002) y vice minister di comercio exterior (1991-1994).
Ivan Duque tambe a gana na Aruba tambe
Mientras cu e eleccion tabata tumando luga na Colombia, na e consulado y embahadanan rond mundo, Colombianonan residencia por a deposita nan voto.
Pa loke ta na Aruba, Un total di 8000 persona tabata tin derecho di voto di cual 2256 persona a voto. Ivan Duque a gana aki cu un 83.94%, mientras cu Gustavo Petro tabata tin 14.67%.
