Tuesday, 23 September 2014
Fellow a basha na Lowlands! Print E-mail
Saturday, 17 August 2013 16:45

front

E producer y artista local Michael Lampe, cu ta haciendo furor ultimamente bou nomber di Fellow, a estrena diabierna pasa ariba e festival Lowlands na Hulanda. Diabierna tabata e prome anochi di e edicion di Lowlands pa e anja aki. Fellow, hunto cu VJ Ken Wolff tabata parti di Global cLIMAx to the Bass, cual ta un serie di deejay-set den di un par di e miho exponentenan na Hulanda di e generonan di Moombahton, Bubbling y Global Bass.

Fellow y Ken tabata ariba e line-up hunto cu Gato Preto y Tommi Benders di e famoso fiesta Bomb Diggy na Amsterdam. E toca tabata 2’or di madruga – basicamente e ora mas hot - den e asina yama India Tent, cual tabata rand rand di fanatico di musica electronico. Pues por bisa cu Aruba a wordo representa duro na Lowlands! Lowlands ta e festival di musica y arte mas grandi di Hulanda, y un di esunnan mas prestigioso na mundo. Cada anja na fin di Augustus e organisacion ta pone un cantidad di tent y stage grandi ariba un tereno gigantesco na Biddinghuizen pa un festival di tres dia largo na unda e artistanan mas grandi den mundo di musica rock y dance ta toca. Alaves tambe tin amplio luga pa baile, teatro, literatura, cine, instalacionnan y otro formanan di arte y media manifesta nan mes. E festival ta asina popular cu cada anja e ta sell out den un tempo record, lunanan prome cu e artistanan cu ta bay toca ta wordo anuncia. Pa un artista Arubiano manera Michael Lampe, esaki tabata otro oportunidad mas pa destaca y presenta su mes na un publico grandi. Esaki mas cu claro tambe ta conta pa e artista visual Arubiano Ken Wolff, cu pa anjanan caba ta traha e parti visual di e shownan di Fellow. Michael Lampe no a keda keto den ultimo lunanan. Na Hulanda y na Aruba ela toca no solamente como Fellow, bashando beats den clubnan grandi manera Air hunto cu e crew di Major Lazer y tambe cu Jillionnaire di e mesun grupo aki na Hard Rock Café aki na Aruba. Tambe cu su banda Datapanik ela haci presentacion aki na Aruba y na Arubadag na Hulanda, presentando e album nobo ‘Cunucu Rave’. Ultimamente Fellow ta tocando tur diadomingo na Local Store, hunto cu Masbango, Top Rankin y otro deejaynan local y internacional cu ta wordo invita cada siman. Tin diferente proyectonan den pipeline pa Fellow e anja aki, pero e proximo highlight despues di Lowlands ta bay bira su presentacion ariba diadomingo 8 di september na Aruba su propio Electric Festival. Eynan e lo comparti e stage cu enre otro Nicole Moudaber, Boris y Patrick M.

gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter