Thursday, 23 October 2014
Fayecimento di Prins Friso tabata inespera Print E-mail
Monday, 12 August 2013 12:45

prinsfrisowaarschijnlijknietnaarluik

Prins Friso a fayece dialuna mainta, anuncia door di RVD. E tabatin 44 aña ora cu el a fayece. Segun e informacion suministra, Prins Friso a fayece debi na complicacionnan cu a surgi a consecuencia di e lesion cerebral causa pa falta di oxigeno den un accidente di ski cu a tuma luga dia 17 di februari, 2012, na Lech, Austria.

E fayecimento di Prins Friso dialuna mainta tabata inespera. Esey ta resulta di e hecho cu Rey Willem Alexander mester a bolbe di su vakantie, Prins Jaime de Bourbon de Parma a caba anuncia su matrimonio pa october y Princes Mabel den oranan di mainta ainda a gradici su seguidornan via Twitter pa e felicitacionnan di cumpleaños diadomingo Despues di tratamento riba cuido intensivo di Landeskrankenhaus na Innsbruck, na inicio di maart 2012 e Prins a wordo traslada pa hospital Wellington den e ciudad, Londen, cu e ta biba. Desde november, 2012, Prins Friso tabata mustra un poco señal di consciencia ('minimal consciousness'), un estado den cual for di e tempo ey no a mira ningun cambio mas. Na inicio di juli, 2013, el a wordo traslada pa Paleis Huis ten Bosch. E tempo ey caba a wordo anuncia cu su situacion di salud ainda ta “preocupante”. Mas tratamento den un hospital no tabata necesario mas, RVD a informa. Famia Real ta gradici, por medio di un comunicado, tur esnan cu a percura pa Prins Friso. Rey Willem Alexander y Reina Maximo hunto cu nan yiunan tabata di vakantie na Grecia y a corta esaki bulando mesora bek pa Hulanda. Diadomingo ainda e viuda di Friso, Princes Mabel, y nan yiunan a celebra e cumpleaños di Mabel.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter