Thursday, 18 September 2014
Parti di e preparacionnan pa Weganan Olimpico Rio 2016: Trabou di construccion na Barra Olympic Park ta progresa Print E-mail
Monday, 12 August 2013 10:02

Barra da Tijuca Olympic Park Aerial

Construccion di tres centro deportivo, como parti di e Weganan Olimpico di Rio de janeiro 2016, y situa na e Barra Olympic Park a inicia manera planea. E instalacionnan lo ta sede di basketball, taekwondo, judo Olimpico y Paralimpico, lucha, basketball den rolstoel, boccia, volleyball sinta, y rugby den rolstoel.

Financiamento pa e instalacionnan deportivo a wordo sigura a traves di un public-private partnership (PPP) entre e Gobierno Municipal y e Consorcio Rio Mais. E acuerdo aki lo funda tambe e Centro Principal di Prensa, e Centro Internacional di Transmision, un hotel y e infrastructura pa e Villa Olimpico, adicional na construcción y mantención di e infrastructura di e parke pa 15 aña. Como parti di su compromiso pa sostenibilidad, e Gobierno Municipal ta enfoca pa haya e certificacion “Leadership in Energy and Environmental Design (LEED)” pa e construccion pa e centronan deportivo y tambe ap e otro instalacionnan permanente den e parke. E sistema di certificacion aki ta verifica prerrequisitonan di medio ambiente riba tereno di diseño, construccion y operacion den un intento pa reduci e impacto riba medio ambiente. E tres centronan deportivo lo forma parti di e Centro di Entrenamento Olimpico despues di e Weganan Olimpico, e prome den su tipo na Brasil. E centronan di entrenamento pa atletanan di alto rendimento lo ta un legado deportivo permanente pa e país sede y lo consisti tambe di e Centro Acuatico Maria Lenk (sede di e deportenan acuatico durante e Weganan Panamericano 2007), e velódromo y e centro di tennis.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter