Wednesday, 17 December 2014
Durante Campeonato Suramericano 2 Medaya mas pa landadornan Arubano Print E-mail
Saturday, 16 March 2013 11:09
Comparti

554931 542754422430892 1648805683 n

Despues di un inicio sumamente spectacular e selección di landamento Arubano a sigi ariba e di dos anochi di e Campeonato Sudamericano na Chile cu resultadonan impresionante. Mikel Schreuders, cu un medaya di Oro caba den 200m schoolslag a pone su mes un biaha mas ariba e pódium cu otro medaya di Oro den 100m schoolslag.

Cu e tempo di 1:07.98 Mikel a laga e landador di Brazil su tras cu un seconde pa asina por wordo corona como e landador mas liher den e estilo di schoolslag den Sur America. Esaki ta un logro hopi grandi pa cualkier landador, y e mundo di natación di Aruba por wak esaki como un prueba cu e nivel di e deporte di landamento ta desaroyando na un manera sumamente positivo. Mikel ta participa den e categoria Juvenil A, esta edad di 13-14 anja. E di dos medaya pa Aruba a ser gana pa Gaby Ponson den 100m vrijeslag, participando den e categoria Juvenil B, (edad di 15-17 anja), cu un tempo di 58.50. E anja aki Gaby a mehora su mes masha hopi y awenochi Gaby a mustra cu den e estilo di vrijeslag e tin e capacidad pa gana medaya. Su ruman muher morocho Ally a touch muraya su tras na di 4 lugar. Otro landadornan Arubano cu a competi den final awe tabata Daniella van den Berg y Ginayla Arends. Daniella den 800m vrijeslag a logra un di 4 posicion y Ginayla a touch muraya como number 8 den 400m vrijeslag. E Campeonato na Chile ta sigi pa dos dia mas y aunque cu federación di Aruba ya ta hopi satisfecho caba cu e resultadonan te awor aki, falta basta evento ainda pa e landadornan landa y por logra yega final.

album album  

Comentarionan (1)Add Comment
Cemedar Aruba Team
March 16, 2013
209.88.130.80
Votes: +0
...

Hopi pa bien pa resultadonan obteni pa un y tur di parti Team Cemedar.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter