Sunday, 31 August 2014
Merca a lanta ayera un ora mas laat Print E-mail
Sunday, 10 March 2013 19:16

daylightsaving

Casi tur habitante na Merca a lanta diadomingo ultimo un ora mas laat despues cu, den oranan di madruga, holoshinan den e pais a wordo delanta den un practica cu a duna inicio casi un siglo atras. E cambio di orario, cu a pasa aproximadamente mey anochi, ta conoci na Merca como “daylight savings time” of “orario di verano” y tabata un idea di Benjamin Franklin, un infatigabel inventor cu, ademas di a haya tempo pa ta un di e autornan di e declaracion di Independencia di Merca.

Den un ensayo skirbi na 1874, Franklin a sugeri e idea cu e adelanto di un ora na comienso di primavera lo tabata un bon manera pa spaar bela. Gobierno Mericano a adopta e practica na 1918 durante e Prome Guera Mundial y a bandona esaki un aña mas laat. Despues a bolbe aplik'e entre 1942 y 1945 durante e di Dos Guera Mundial. Y finalmente na 1966 un ley di Congreso a institui e cambio di orario riba e ultimo diadomingo di April y e ultimo di October. E Ley di Politica Energetica di 1995, imponi pa presidente George W. Bush a ordena cu e modificacionnan cuminsa pa 2’or di madruga di e di dos diadomingo di Maart y caba 2’or di mainta e prome diadomingo di November. Estudionan haci pa Departamento di Energia di Merca a haya cu e adelanto di un ora riba e comienso di primavera, ta trece un spaarmento di casi 5% den consumo di energia. Estadonan di Arizona y Hawaii a adapta nan mes riba e provision di e ley segun cual no ta obliga e adopcion di e cambio di orario. Encuestanan haci pa e firma Rasmussen ta haya cu durante e ultimo decada, Mericanonan ta sigui ta dividi riba beneficio y prehuicionan di e orario di verano, mescos tempo a cuminsa aplica e cambio. Segun Rasmussen, entre 45% y 47% di esnan encuesta ta kere cu e practica aki no ta trece e beneficionan priminti riba spaarmento di energia y no bal la pena e problemanan cu e ta causa. 35$ ta opina lo contrario y ta mira e beneficionan riba e adelanto di un ora. Di su banda, senador estatal di Florida, Darren Soto, un democrata, a presenta un proyecto di ley pa haci cu e adelanto di orario ta permanente. “Durante varios aña mi ta rabia ora mi Sali for di mi oficina ora ta scur”, Soto a indica na e corant “Politico”. “En particular ora cu mester Sali for di oficina durante winter.” “Tin biaha ta conveniente pa nos tira un bista riba nos ley y regulacionnan pa mira si nan ta sirbi nan proposito.” Nos, na Florida, nos ta biba den e estado di e solo resplandeciente cu hopi turismo.” “Pa tin un ora adicional pa disfruta di beach, parkenan di diversion, bay dinner”, el a splica “por tin beneficionan economico.” Pero e senador estatal di New Mexico, Cliff Pirtle, un republicano, kier likida totalmente e practica, ya cu, den su opinion, si bira scur mas tempran, lo tin un spaarmento di energia pasobra e poblacion lo corta e uzo di airco. “En realidad nos ta cambia ora sin tin algun rason pa esaki,” Pirtle a comenta. “Ta algo cu nos ta haciendo pa hopi tempo y ya nos no ta ni pensa mas riba dje. Pero tin hopi hende cu lo ta contento si, si simplemente nos laga e holoshi na paz.”

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter