Minister Otmar Oduber a splica kico tabata e resultado di e reunion cu hunto cu su colega Mike de Meza tabata tin cu funcionarionan halto y Raad van Commissaries di APA. E asunto cu nan a trata ta e reglamento nobo cu APA kier a introduci riba stacionamento di auto getinted cu ta keda varios ora riba waf y taxistanan cu ta subi tereno di waf cu sticker, bandera y otro material di propaganda politico.
“Nos ta yegando poco poco na e parti final di e trabou cu gobierno tin cu haci den Caya Grandi,” Minister Sevinger a enfatisa diabierna mainta den Caya Grandi. E minister encarga cu asuntonan di infrastructura, a trece Prome Minister hunto cu ne pa tira un bista riba e ultimo desaroyonan den Caya grandi, mirando cu diasabra ta bay ta un dia cu hopi hende ta haci compras den e caya principal.
Ex Garage Cordia patras di CMB Blvd parce a bira e lugar prefer pa un grupo cu ta hortando kabelnan di koper. Nan a desmantela basta waya caba e dianan cu a pasa. Nan a wordo descubri pero e daño cometi tabata grandi caba. Dos guy a core bai. Diabierna un biaha mas polis a bai pura pasobra parce tabata tin hende hortando. Polisnan motorize tabata tey mesora na e sitio. A listra den e lugar pero parce atrobe e ladronnan a huy.
Diabierna atardi den Classic Billiard Rayshline y Raymilienne Eckmeyer den presencia di propetario Pizza Hut Sr Glenn Croes y legendario Edwin Chirino, e team mas exitoso di the new millenium na Aruba y Caribe Hulandes a bautisa uniform. Pa locual ta kampeonato 2013 e team completamente "re-juvenile" di Predators ta 1-1.
Na diferente ocasion mi a yega di duna indicacion di posibel/probabel soborno y/of corupcion den e aparato gubernamental, den un of mas departamento di gobierno y/of den un of mas instancia particular, en todo caso unda empleadonan publico ta envolvi, hunto cu otro personanan/companianan den nos comunidad.
Aki ta sigui resultado di e diferente sorteonan di Lotto, E Loteria di Aruba. Click lesa mas pa por mira e otro resultadonan di e otro soreteonan y click riba e imagen pa magnifica.
Siman paso durante un reunion na Caribbean Mercantile Bank N.V., miembronan di directivadi Stichting BOB Aruba (Bevolkingsonderzoek Borstkanker Aruba) a ricibi un donacion di mas di mitar miyon florin ($ 275,000.00) cu ta e suma cu nan mester pa cumpra e promer aparato di mamografia cu nan mester pa cuminsa nantrabaonan.
Recientemente Movimiento Electoral di Pueblo (MEP) den representacion di Directiva di Tanki Leendert a organisa un reunion di contacto den e bario di Saliña Cerca. Tin di bisa cu e reunion aki tabata uno hopi fructifero mirando cu tabata tin presencia di ciudadanonan cu ultimo eleccion a vota pa AVP y awe practicamente no kier tende di AVP mas.
Diabierna merdia personal di seguridad di Ling & Sons a logra pone man riba un homber cu tabata na punto di logra horta varios producto exitosamente. E homber tabata pafor riba e tereno di e supermercado caba ora cu alarma a wordo bati.
Diabierna mainta falta di preferencia den trafico a causa cu dos auto a dal. E daño material ta bastante. E bon ta cu no tabata tin hende herida. Polisnan a presenta pa atende cu e accidente. E chauffeur di e auto blanco no a pone atencion riba e cruzada y faltando preferencia na e Lexus a causa e accidente.
Scientificonan international ta luchando pa pone un paro na e uso di e insecticida Imidacloprid, esaki despues cu a tuma nota cu den e ultimo añanan e cantidad di insectonan a baha drasticamente.
Diahuebs merdia un caso a keda registra cu polis mester a interveni. Un chauffeur a yama polis pasobra tin un pickup S-10 a dal den un of mas auto entre otro su auto y sigui core. E Chevrolet aki tabata A-10652. Un di esnan cu a bira victima a bai tras di e S-10. banda di Piet's den De La Sallestraat a logra pare.
Methes Energies Canada, Inc. y Bio-Fuel Aruba a cera un contract diaranson atardi na final di “Europe Meets the Americas”. Ta diferente acuerdo estilo “MOU” a firma durante e tres dianan di reunion, pro esaki tabata e prome acuerdo formal den cual dos compania ta expresa interes pa inverti den otro cu placa, ekipo y conocemento.
E situacion pa dokternan specialista na Aruba y Corsou ta completamente diferente cu na otro paisnan grandi manera na Latino America, segun Ashley Duits, kende ta forma parti di staff medico na Corsou pero tambe ta envolvi den maneho di Banco di Sanger na Aruba. A papia cu dr. Duits riba tur e comentarionan cu tin relaciona cu buscamento di dokternan for di Hulanda y Latino.
Un condicion importante pa cualkier dokter of specialista di exterior bin labora na Aruba ta cu nan mester ta registra na BIG, na Hulanda. Esaki ta para den ley, segun a wordo splica door director di dr. Horacio Oduber Hospital Haime Falconi. E ley aki ta mara na e condicion di Reino Hulandes ya cu mayoria di hoben tabata bay studia na Hulanda.
Diabierna mainta Prome Minister Mike Eman a compaña Minister encarga cu asuntonan di Infrastructura, Benny Sevinger, pa mira e ultimo desaroyonan den caya principal di Oranjestad. Prome Sr. Sevinger, drentando for di parti pabou di Caya Grandi, a mustra Sr. Eman a stacion di tram cu a cuminsa wordo arma. Djey e coleganan minister a sigui pa e parasolnan cu diabierna a cuminsa wordo instala.
SAN FUEGO—Central di polis ta manda patruya diahuebs 00.22,na e entrada di Parke Nacional Arikok, naunda testigonan a mira un homber bisti na blanco ta cana mira den cas di hende. Na haltura di San Fuego, polisnan ta topa cu un habitante, cu ta declara cu el a Sali for di su cas y a mira e homber bisti cu carson blanco, sweater blanco y cabes tapa cu paña blanco, ta cana mira den cas di hende mas tempran di anochi. Tambe e habitante ta bisa polis cu ora el a sali pafo, el a mira e homber core bay. Polisnan a busca den bisindario, pero sin resultado.
Den un entrevista cu Alfonso Boekhoudt, director di APA, el a splica cu nan ta purba di trece concientizacion cerca tur hende cu e reglanan di seguridad ta algo cu ta biba cu nan semper y no palabranan morto skirbi riba papel y cu tin di haber cu monitoring constante di procesonan cu ta tuma lugar. Tin cierto cambionan den e reglamento di waf cu a ser haci pa evita cierto incidentenan cu por surgi, pa asina deal mihor cu preocupacionnan cu ta lanta.
“Presencia di empresanan na e conferencia di Europe Meets the Americas a surpasa tur expectativa”, asina Jan Ebbing di TNO Caribe a expresa na final di e exitoso conferencia. “For di henter region y tambe di Europa tabatin empresa presente. E ambicion tabata grandi, pero e resultado sumamente positivo a materialisa e ambicion aki”. Ebbing ta masha satisfecho con e conferencia a bay pa TNO.
Prome cu e conferencia di ‘Europe Meets the Americas’ tabatin un conferencia di embahadornan di Reino di e hemisferio Occidental na Aruba. E conferencia di embahadornan aki tabata un continuacion di e prome encuentro cu a tuma luga un aña y mey pasa.
E resultadonan positivo di e conferencia Europe Meets the Americas ta palpabel. Participantenan a scucha atento na cada presentacion y a busca tur enformacion necesario pa nan por sea establece nan negoshi na Aruba of cera acuerdo cu companianan existente cu por representa nan den negociacionnan cu Europa of Latinaomerica.
E rumannan H.D.M. di 19 aña y V.S.M di 27 aña sospechoso di asesinato di e lider di partido mas grandi na Corsou a presenta diabierna mainta dilanti Hues Comisario, unda a prolonga nan detencion cu 8 dia mas. Den un rueda di prensa hoofdofficier di husticia de Jong a laga sa cu ta bezig caba cu autopsia cu lo keda realisa pa expertonan di Hulanda.
Diabierna anochi e canal hulandes RTL4 a presenta e di cuatro edicion di e temporada nobo di X Factor, un programa di talento hopi popular na Hulanda. Tres siman pasa e programa a estrena su di cinco temporada, durante e estrena por a tuma nota di un hoben Arubiano inscribiendo pa participa den X Factor.
Diadomingo awor nos ta celebra dia di mama. Un dia cu internationalmente mundo ta celebra e dia grandi aki pa mustra nos mamanan cu nos ta stima nan y aprecia tur loke nan a haci pa nos. tur dia ta dia di mama si paso tur dia nos tin cu demostra nos mama cuanto nos ta stime y cuanto nos gradicie pa tur loke ela haci pa nos cu ela duna bida na nos y cu ela lanta nos mihor cu e por a haci pa su jiunan.
Como studiante na Julianaschool, Clyde Harms y algun amigo a funda e corant De Poort. Su prome asignacion como reportero tabata pa entrevista e musico Ruso cu Arubaanse Kunstkring a trece Aruba pa bin duna un recital na Sociedad Bolivariana cu su “theremin”, un instrument musical electronico. De Poort a sali dos bes prome cu el a muri, pero Clyde su amor pa skirbi a persevera.
Diaranson atardi durante “Europe Meets the Americas”, un acuerdo hopi importante pa futuro di e compania local Bio-Fuel Aruba a a wordo firma den Westin Aruba Resort. Aki Bio-Fuel Aruba a firma un contract di “Purchase and Partnership”, pues di compra y sociedad, cu e compania Canades Methes Energies Canada Inc., un di e companianan mas grandi di produccion y distribucion di e combustibel biodiesel.
Durante tres dia, esta 6, 7 y 8 di mei ultimo, mas di 700 delegado, incluyendo representantenan di mas cu 250 compania local y internacional a topa na Westin Aruba Resort pa e prome conferencia “Europe Meets the Americas”. Comerciantenan di Europa, e continente Americano y Aruba a cera conoci cu otro, a reuni den diferente sesion di “business to business” pa negocia cu otro y tuma e prome paso pa cuminsa haci negoshi cu otro.
E vision pa comberti nos isla den un “Green Gateway” sigur ta birando un realidad pa medio di Methes Energies Inc. di Canada (NASDAQ: MEIL) y Bio-Fuel Aruba. Abe Dyck, co-fundado di Methes, a confirma diaranson cu e compania ta bay uza Aruba como gateway pa distribucion di su ekiponan pa procesa biodiesel. Esaki ta parti di un acuerdo cu e compania a firma cu Bio-Fuel Aruba durante “Europe Meets the Americas” diaranson ultimo.
Den cuadro di Siman di Enfermeria, Minister di Salubridad y Deporte Dr. Richard Visser a haci un bishita na Colegio E.P.I. durante un celebracion special cu e studiantenan. E tema principal cu Colegio E.P.I. a uza e aña aki durante “Siman di Enfermeria” tabata "Holistische Zorg bij de Alzheimer Patient".
Central di polis a manda patruya diamars 00.11, na haltura di Pizza Hut, na unda testigonan a mira un auto, den cual tin hendenan cu cabes tapa. Central ta manda mas patruya, cu tabata den e bisindario na e sitio. Ora cu polis a yega nan no a mira e auto. Despues polisnan a controla den bisindario di Texaco Sasaki y Pizza Hut, y bisindario, pero no a topa cu nada. E caso tin atencion di polis.
Ling & Sons IGA, e supermercado #1 na Aruba ta cla pa celebra Dia di Mama y pa e occasion tan special aki ta invita un y tur bin bishita e Mother’s day corner na unda tin un variedad grandi di articulonan pa regala Mama ariba su dia. Cuminsando pa chuculati, gift set, bouquet di rosa, single roses y hopi mas! Ademas di e Mother’s day corner Ling & Sons su bakkerij tambe tin bolonan traha fresco fresco, na un prijs super attractivo y cu tur mama lo keda super contento cune!
Minister di Finanza, Comunicacion y Utilidad Mike de Meza a anuncia cu Aruba ta organisa e di 35 CCLEC Conferencia. E aña aki Aruba ta anfitrion di e di 35 Caribbean Customs Law Enforcement Council (CCLEC) conferencia, cu ta wordo teni den Westin Hotel di 13 pa 17 di mei benidero.
Ex Prome Minister di Hulanda Prof.dr. Balkenende ta celebra su aña na Aruba. El a haci esaki den compania di amigonan di Aruba, na un lugar bunita, bou di un shelo yen di strea y riba e tononan cautivador di Mariachi. Pabien!!
No ta falta mucho pa e di 5 Gold Coast Taekwondo Cup tuma lugar y Brazil Taekwondo Stichting no ta basilando cu training pa e evento aki. Mirando cu esaki ta e di 2 clasificasion pa e Best of the Best Powerade Taekwondo Cup y e team di Train Hard Fight Smart kier clasifica pa Best of the Best Powerade Taekwondo Cup.
Reaccionnan compila for di e participantenan di e conferencia Europe Meets the Americas ta registra un nivel halto di satisfaccion y hunto cu ne hopi interes pa regresa pa un di dos edicion. Esey sigur ta e caso cerca Carlos Duica.
Dialuna a habri Siman di Enfermeria cu un bunita apertura na unda a lansa e tema pa e siman cu tabata “Closing the gap”: na vanguardia di e pashent. A prepara un programa extenso cu enfoke riba salud, informacion, creatividad, teatro y sin lubida “teamwork”.
Ta ignora locual Raad van Advies, Banco Central y IMF ta indica Poco dia pasa despues di 8 luna di atraso Parlamento a recibi for di Gobierno e presupuesto pa 2013. E biaha aki fuera cu e presupuesto ta hiba e seyo irealistico di Raad van Advies tambe tin e problema cu e calculacionan den e presupuesto ta basa riba un crecemento economico cu no ta realistico.
Aunke den cada pais e dia tan especial aki ta wordo celebra di maneranan distinto toch e enfoque ta den loke nos sentimentonan ta pa cu e ser ehemplar den nos bida. Mi ta mira un Mama como un simbolo den comunidad cu tareanan multi facetico.
Recientemente tabata di bishita na Aruba pa cubri e evento di “ Europe Meets the America ” Srta. Michelle Zayed di e revista “ La Repubilca “ Srta. Deborah Fortes di “ Peqeñas Empresas Grandes Negocios “ di Sao Paulo Brazil y tambe Sra. Mariahe Prieto cu ta e P.R. Director pa Aruba na Bogota Colombia.
Museonan rond di mundo ta celebra Dia Internacional di Museo rond di e fecha di 18 di Mei y e aňa aki e tema ta 'Museums (memory + creativity) = social change'. Museo Arqueologico y UNESCO ta invita comunidad di Aruba pa un Cafe Cultural interesante den e tema aki dia 16 di Mei pa 7'or di anochi na Museo Arqueologico.
Candela di yerba na EPB Hato a bira un menaza serio pa algun klas. Diahuebs anochi Polis a yega algun minuut despues cu habitantenan den vecindario a bati alarma. E candela a yega cerca di un tanki di gas, a spanta algun doño di cas. Bomberonan a yega bay den accion mesora y den algun minuut a domina e vlamnan prome nan causa daño na propiedad.
Siman pasa tabata tin Premio Excelencia den Deporte na unda cu tabata tin varios atleta di diferente deporte cu tabata nomina pa e premio di Deportista Masculino 2012 Categoria: Infantil. Hakeem Lowe ta un di e atletanan elite di Brazil Taekwondo Stichting su team di "Train Hard Fight Smart" cu ta train 6 dia pa siman pa asina mehora su mes pa cada campeonato cu e participa na dje.
Den conferencia di prensa di Banco di Sanger, dr. Ashley Duits, supervisor medico di e banco a hiba palabra. El a splica cu Banco di Sanger ta traha hopi duro tur dia, pa duna suficiente sanger na e pacientnan y e sanger aki mester ta di un calidad hopi halto.
Arubahuis mester expande su servicionan riba tereno di “Economische Diplomatie” (diplomacia economico), asina Minister Plenipotenciario di Aruba na Hulanda, Edwin Abath a duna di conoce durante e conferencia “Europe Meets the Americas”, cual a tuma luga na Westin Resort e siman aki.
POLLXT_LOADING
