Si Alex Mansur tabata e gran ganador di e clasico di paso fino di e feria nacional 2013, por bisa cu Rancho La Ponderosa a logra e reconocimiento ey den e competencia di jinete y amazona. Aki tambe sorpresa a cai.

E siman aki rond Aruba studiantenan ta cuminsando cu nan examennan final. Minister Arthur Dowers ta desea tur nos hobennan hopi exito, pasenshi y forsa durante e periodo asina importante aki y ta comparti e siguiente mensahe cu tur nos examenklassernan: Nelson Mandela a bisa “Educacion ta e arma mas poderoso cu bo por uza pa cambia mundo” y cu e pensamento aki mi ta desea pa boso cuminsa boso periodo di examen.

Pa celebra di di mama en grande House of Japan, Yalla Yalla y South Beach Lounge lo pone tur prijs di dollar na florin. Tambe lo tin un festival di Marciachi cu diferente grupo. Pa reservacion jama 5866765

Movimiento Electoral di Pueblo (MEP) ta creciendo den apoyo di nos pueblo mas y mas cada dia. Pueblo na e momento aki ta rabia cu maneho di e gobierno di AVP. Por aprecia riba e potretnan adhunto con e apoyo cu MEP a ricibi durante un reunion di contacto organisa door di Directiva di Tanki Leendert cu a tuma lugar den e bario di Tanki Flip.

E ultimo simannan e rapport di IMF ta den discussion aki na Aruba…. E rapport aki a confirma cu pais Aruba ta den un crisis financiero enorme…..un crisis economico …….y cu mester di vision y guia pa saca nos pais for di esaki.

Dia 17 di Mei ta wordo conmemora di e hecho cu na anja 1990 World Health Organisation a kita homosexualidad for di e lista di malesanan mental. Mundialmente e dia aki ta wordo conmemora como dia international contra homofobia y transfobia.E afkorting ta IDAHO.Na Hulanda tin e anja un congreso grandi over e topico aki.Reina Maxima lo ta presente na e congreso aki.

Diasabra anochi señora bendedor di number na Washington a yama Polis na gritamento ora un homber bisti na preto cu arma di candela na man a drenta lugar di bende number exihi pa placa. E atracador a bay cu benta di dia, drenta mondi huy den scuridad. Polis den Helicopter ta buscando den mondi cerca di e lugar di bende number pa e sospechoso. Den careda pa huy e atracador a laga placa cay. Algun bisiña a haya algun rol di Florin y diferente moneda riba caminda. Polis a cera ful e area pa investigacion.

Diasabra cantidad di hende a drenta Caya Grandi pa asina shop pa nan mama. Tanto MAMBO como tambe Gobierno ta probecha di e ocasionnan pa stimula shopping den centro di ciudad. Esaki a duna su fruto. for dia mainta e movecion tabata bisto.

Prome cu dos ora despues di e detencion ya caba parce e homber aki tabata liber bek. El a agredi su ruman muher cu bloke den cabez. Polis a wordo pidi pa Caya Mispel pa pelea unda tin hende cu kap. Na yegada a topa berdad cu un dama herida levemente den cabez. A tende cu ta e ruman homber a comete e acto. Esnan na e cas a bisa cu e homber ta arma.

Tur aña e celebracion di "Dia di Mama" ta special y e aña aki Lotto di Aruba a inclui un premio adicional pa haci e celebracion mas grandi ainda. Ta pone un premio extra di 100 mil florin pa e sorteo di diasabra dia 11 di mei. E premio pa e sorteo di awe ta 110 mil florin, pero como cu ta un dia prome cu "Dia di Mama", Lotto ta regala 100 mil florin mas na e ganado.

Partido Democracia Real kier haya sa kico ta e plannan di gobierno pa loke ta e refeneria. Lider di e partido, a trece esaki dilanti den su conferencia di prensa, pasobra Banco Central a caba di ahusta dia 25 di april ultimo e crecemento economico cu gobierno tabata broma cune di 5.1 te na 2.6 y esaki ta mita di loke gobierno a pre-mira.

Minister Otmar Oduber a splica kico tabata e resultado di e reunion cu hunto cu su colega Mike de Meza tabata tin cu funcionarionan halto y Raad van Commissaries di APA. E asunto cu nan a trata ta e reglamento nobo cu APA kier a introduci riba stacionamento di auto getinted cu ta keda varios ora riba waf y taxistanan cu ta subi tereno di waf cu sticker, bandera y otro material di propaganda politico.

Ling & Sons IGA, e supermercado #1 na Aruba ta cla pa celebra Dia di Mama y pa e occasion tan special aki ta invita un y tur bin bishita e Mother’s day corner na unda tin un variedad grandi di articulonan pa regala Mama ariba su dia. Cuminsando pa chuculati, gift set, bouquet di rosa, single roses y hopi mas! Ademas di e Mother’s day corner Ling & Sons su bakkerij tambe tin bolonan traha fresco fresco, na un prijs super attractivo y cu tur mama lo keda super contento cune!

Minister Otmar Oduber, na final di e conferencia di Europe Meets the Americas a indica cu por wak atras riba un conferencia sumamente positivo. Por a conta cu un audiencia di mas di 600 participante di diferente paisnan, topiconan cu a wordo tresi dilanti y cu e resultadonan cu a logra na final a traves di e cantidad di MOUnan y Letter of Intentnan y tur esakinan ta un muestra cla di e exito di e conferencia aki.

Siman pasa dos becado di Aruba Scholarship Foundation a ricibi nan Bachelor’s for di University of Central Florida cu distincion halto. Jamir Dirksen a gradua Cum Laude (top 10%) di College of Engineering and Computer Science mientras cu Tiziana Carrasquero a ricibi Magna Cum Laude (top 5%) su Bachelor’s den Finance di College of Business Administration.

Maria Maduro di Sabana Basora ta e feliz ganado di e premio grandi di Mini Mega. Diabierna atardi laat, pa 6:18pm e hungado a inverti 10 florin na cumpra dos combinacion di number, cu un nificacion special den su bida. E ta traha na Departamento di Enseñansa. Dialuna e lo bay oficina di Lotto pa cobra su premio di Afl. 1.050.000,=.

Banda di veld di Universal na Pos Chikito polis a bai na un cas pa duna asistencia. Un dama lo a corta su man malamente. Personal di ambulance a yega mesora na e adres. Nan a duna e prome asistencia y prepara e dama pa hibe hospital. Su man drechi a haya un corta basta grandi.

Diadomingo anochi Polis y Ambulance a bay cu urgencia pa e area di Linear Park dilanti Ecury Plein ora a haya yamada di un señora ta pidi ayudo pa su yiu muhe cu no ta reacionando. E hoben di 17 aña lo a haya discucion cu su mama y cana bay lague.

Un Hyundai Atos a keda cuater wiel pa laira riba e caminda principal di Oranjestad pa San Nicolas. Diasabra atardi trempan el a sosode. Parce cu tin version di pasamento di auto. Den e proceso e chauffeur di e Atos ta bisa cu e van cora lo a mishi tambe cu su Atos y pone perde control. E chauffeur di e van tabata na e sitio bek.

Diadomingo marduga den e prome oranan di Dia di Mama un homber a yega cas burachi perde cabes, kibra tur cos den cas. Famia a purba di calma e homber pero no por a haci nada otro cu yama Polis. E homber bebi no tabata tende di autoridad asina nan a yega. Polis a detene e homber y yama Dog Catcher bin e cas na Saliña Cerca y transporte pa Warda.

Un señora di fam Orman di 87 aña biba den Madiki a bira victima di robo. E señora tabata sinta den auto wardando su yiu den Koningstraat. E yiu a bai cumpra flor den un floresteria eybanda y na dado momento sinta den auto un choller a pasa ranca 50 florin cu e tabata tin den su man. El a huy riba bicicleta.

Diasabra mainta a logra capta e fotonan aki unda ladronnan di koper tabata druk druk bezig. Pa algun dia caba tin basta keho di ladronicia di kabel di koper den ex show room di Toyota patras di CMB Boulevard. Algun empleado di otro compania di auto a mira mainta con dos choler tabata lucha cu un kabel pisa. Nan no a duda pa bai den accion.

Diabierna anochi un mama a dicidi di bai di paranda cu su yiu di algo mas cu 3 anja di edad. Polisnan di Noord a wordo notifica cu den Fermin's Bar na Noord tin un mama cu su yiu hopi chikito presente. Polisnan na yegada berdad a topa cu e mama.

Diabierna anochi polis a wordo manda den direccion di Caya Musica. E informacion cu a drenta tabata di un accidente cu hende herida. Unidadnan motorize tabata tey mesora na e sitio hunto cu patruya di Noord. A constata cu tin un hende levemente herida. Un pareha den un Daewoo Racer A-14879 a baha caminda bai pega den un Suzuki Swift A-13031.

Presidente di Parlamento drs. Paul Croes ta informa cu e proceso pa tratamento di presupuesto 2013 a start den Parlamento di Aruba. Durante un reunion Comision Central #30, Parlamento di Aruba a yega na cierto desicionnan con lo bai trata e Presupuesto di pais Aruba 2013.

E premio di Mini Mega di Loteria di Aruba a wordo gana. Un hende a cumpra e ticket ganador na Pos Chikito. El a gana 1.050.000 florin.

“Nos ta yegando poco poco na e parti final di e trabou cu gobierno tin cu haci den Caya Grandi,” Minister Sevinger a enfatisa diabierna mainta den Caya Grandi. E minister encarga cu asuntonan di infrastructura, a trece Prome Minister hunto cu ne pa tira un bista riba e ultimo desaroyonan den Caya grandi, mirando cu diasabra ta bay ta un dia cu hopi hende ta haci compras den e caya principal.

Ex Garage Cordia patras di CMB Blvd parce a bira e lugar prefer pa un grupo cu ta hortando kabelnan di koper. Nan a desmantela basta waya caba e dianan cu a pasa. Nan a wordo descubri pero e daño cometi tabata grandi caba. Dos guy a core bai. Diabierna un biaha mas polis a bai pura pasobra parce tabata tin hende hortando. Polisnan motorize tabata tey mesora na e sitio. A listra den e lugar pero parce atrobe e ladronnan a huy.