E siman aki Minister Michelle Hooyboer-Winklaar a participa na apertura di e exposicion di e di 12 Competencia di Obra y Arte Recicla di Aruba Hotel and Tourism Association, AHATA. E entusiasmo pa e competencia, cual tin shete categoria di participante - pa scolnan: kleuter, klas 1 pa 3, klas 4 pa 6 y scolnan secundario y pa individual amateur y profesional, como tambe grupo - ta crece cada aña mas y mas.
Aruba ta drentando un biaha mas un otro periodo di regalo! Ricibimento den tur bario, dia di Mama, dia di tata y rapportnan bunita! Ultimo añanan ya a bira un custumber hopi positivo di hopi hende pa drenta-sali UNOCA continuamente pa tira bista ariba UNOCA su rekki buki pa haya sa ki buki a bin di nobo.
Diabierna mainta Minister di Salud Publico y Deporte, dr. Richard Visser tabatin un intercambio masha ameno cu un grupo di atleta di ajedrez hoben, hunto cu miembronan dinamico di e Federacion di Ajedrez di Aruba. E prestacion impresionante di e hobennan durante torneonan internacional ta merece admiracion sigur.
Despues di a pasa un poco mas cu cuater luna di lesnan intensivo, e curso basico pa entrenador organisa pa e Direccion di Desaroyo di COA ta drentando su fase final. Diasabra ultimo e cursistanan tabatin e ultimo parti teoretico, mientras cu diaranzon lo pasa e tesis final, cu ta di e modulenan 7 y 8.
Diamars anochi y Diaranson anochi den Alhambra Ballroom ta tuma lugar "The Comedy Factory" presenta pa e famoso stand-up comedian Jörgen Raymann hunto cu e Americanonan Erin Jackson, Tony Woods y Todd T Rex. Esaki ta cuminsa pa 7.30 di anochi y ainda tin algun tickets obtenibel na De Palm Tour's desks y si resta na porta. Entrada ta 39$ pa seccion general y $69 pa Vip cu ta ofrece un Open Bar y Hors d'Oeuvres. No Perde e oportunidad di goza di un anochi cu harimento garantisa!
Diabierna dia 12 di april a tuma luga e presentacion y exposicion di pasantia internacional di e studiantenan di Instituto Pedagogico Arubano (IPA). Anualmente e studiantenan di tercer aña di Estudio Inicial di IPA ta biaha pa exterior pa un pasantia di cuater siman pa amplia nan horizonte, cera conoci cu e cultura y sistema di enseñansa di otro pais, haya conocemento didactico pedagogico y tambe intercambia conocemento y experencia cu e studiantenan di otro pais.
Diadomingo 14 di april e pueblo Venezolano a papia: Apesar di tur e obstaculonan cu a tira riba caminda a sali bay vota masivamente. Nos ekipo a conta mas di 3200 incidente durante e proceso electoral na Venezuela y te awo ainda no a ricibi un contesta. Nos no ta cera pacto ni cu mentira ni cu corupcion. Nos ta cera pacto cu e Venezolanonan.
Den fin di siman ultimo e candidato dinamico di MEP, sr. Marlon Werleman hunto cu e Directiva di MEP/ Paradera a bishita varios cas den e districto di Paradera y vecindario. Durante e bishita aki varios di e habitantenan di Paradera a mustra riba e negligencia cu nan a sufri durante casi 4 aña door di e gobierno actual y caminda na ultimo momento gobierno a core bin cu un coridor, un coridor traha den pura y p’asina mustra cu nan a construi toch algo pa Paradera.
Presidente di sindicato STA, Diego de Cuba, ta kere cu nan mester persisti y nan tin razon den nan intencion pa participa den un referendum bou trahadonan di Westin Hotel. Despues di diferente proceso y consulta, Mediador di Gobierno Anselmo Pontilius, a dicidi di yama e referendum y a inclui solamente e sindicato di e hotel, TEAM, den e votación aki.
Un di e asistentenan di e comision di Medio Ambiente di AHATA tabata Milton Arends, kende ta coriendo stage na oficina di AHATA. Na opinion di Arends, e di 12 edicion di Arte Recicla ta un exito rotundo. E mes tabata envolvi den coordinacion pa haya participante y sponsornan pa tanto premio como e gastonan di organisacion.
Un grupo di Parlamentario a dicidi pa mira con e resultado ta di renobacion di St Anna School na Noord, despues cu nan a haci e maximo esfuerso pa fondonan bira disponibel rapidamente pa e trabounan por a cuminsa. Na e sitio por a nota presencia di Presidente di Parlamento drs. Paul Croes, kende a splica cu menos cu un aña pasa a cuminsa cu e proceso di destaho cual a wordo gana door di e compania Bohama.
Esso Ville Rumshop mester cuminsa bira un tiki mas responsable cu e sushedadnan cu ta wordo produci dor di su clientenan. na varios ocasion caba esnan di e Oduber Contractors ta yega mainta y haya entrada di nan negoshi tur sushi. Dialuna mainta esaki a bolbe ripiti. Por te hasta bisa cu e boternan aki ta procedente di e Rumshop banda di pariba.
Den entrevista cu Inspector Ricardo Muller, hefe di trafico, el a splica cu aunke KPA ta respeta e decision di ministerio publico cu a laga den libertad e persona cu bao influencia di alcohol a dak riba auto di turistanan cu consecuencia fatal. Inspector Muller cu e mes, personalmente no ta di acuerdo cu e splicacion di ministerio publico y di parti di polis nan ta sigui bringa contra coremento di auto bao influencia riba nos camindanan.
Un grupo grandi di empleadonan di SVb ta formando parti di nan di dos "Mission Activity" tres biaha pa siman na encargo di Rene Wild y su team. Director di SVb, Ir. Edwin Jacobs a laga sa cu por ripara hopi entusiasmo cerca e trahadonan, pero mas cu tur cos e proyectonan aki ta contribui pa SVb su 'team building' ta mas fuerte.
SETAR ta informa cu pa motibo di trabounan di mantencion por surgi interupcion di servicio di cablenet. Dialuna 15 di April di 12:00 di anochi pa Diamars 16 di April pa 1’or di marduga.
E temporada especial di ricibimento ta na porta. Trash By Ronchi ta presenta, pa prome biaha, set di bachi pa mucha homber. Esakinan especialmente cu e temporada di Pirmera Santa Communion.
E playoff “Calle 6” di categoria Major ta continua diaranson atardi cu 3 wega interesante. E team di Nacional/ Washington cu ta bin di un victoria di 3-0 riba La Fama ta ricibi e “puma “nan di Piedra Plat SV Britannia cu tambe a gana di Estrella cu score di 3-2. Esun cu gana aki lo pasa ocupa e promer lugar.
"Sun Specs estableci pa 28 anja caba na Aruba ta expandiendo su negoshi nan. Nos ta buscando persona nan energetico, punctual, responsabel, motiva y cu experiencia den diferente ramo.
Diamars dia 26 di maart Instituto Pedagogico Arubano (IPA) y su Centro di Investigacion y Desaroyo di Enseñansa (CIDE) a tene un Charla Comunitario titula: “English Based Creole, Papiamento and Identity in the Caribbean” cu orador invita Prof. dr Hubert Devonish di The University of the West Indies (UWI) na Jamaica.
Diamars anochi tin continuashon di e campeonato di futbol damas ora cu dos team invicto topa otro den un “showdown” cu ta priminti di spat candela. E “Lady Pumas” nan di Britannia ta e team cu mas gol anota cu un total di 35 gol, cual ta dos vez mas cu loke RCA tin riba nan cuenta. Ambos team tin 5 victoria den 5 salida y ta pone nan record perfecto riba mesa.
Diabierna 19 di April, Classic Billiards ta organisa un torneo “amateur” unda tur e hungadonan cu no ta competiendo den APT por participa. Si bo ta un hungado di pool of bo ta un beginner, esaki ta bo chens pa participa na un torneo di pool cu ta exclui tur e top players nan di Aruba y asina dunabo un chens di demostra kico bo tin aden.
Aruba por ta orguyoso di e protocol firma pa Minister President Mike Eman y Minister di Finanzas Mike de Meza cu Gobierno Hulandes. Un protocol historico basa riba confianza y sin ningun condicion cu ta permiti nos pais subi mercado internacional pa refinancia nos debe na un interes di 2 pa 2.5%, cual ta hopi mas abou y asina contribui pa yega na un presupuesto balanza dentro di 3 pa 4 aña.
Despues di e cambionan grandi cu a tuma luga den leynan laboral di Aruba, Abogado Dello Gomez, kende ta autor di un buki cu compilacion di e leynan laboral, publica pa prome biaha na 1998, a dicidi di haci un revision grandi den esaki. Den combersacion cu e abogado, el a splica cu e intencion tras di e buki aki tabata pa presenta den un forma simplifica un compilacion di leynan labora cu tabata hopi individual e tempo ey caba, tanto pa trahado como personanan di recurso humano, Abogado y Huesnan.
E Sindicato STA ta rabia pasobra ainda no por logra yega na un referendum pa cierto departamentonan na e hotel Westin, siendo cu nan tin firma di un cantidad grandi di trahadonan. Mester corda cu e hotel aki tin su mesun sindicato “inhouse” cu a wordo lanta algun aña atras. Den combersacion cu Mediador di Gobierno Anselmo Pontilius, el a splica cu e por compronde e decepcion di STA cu for di aña pasa ta trata di haya un referendum na e hotel.
Ta un tradicion caba cu tur aña e comision Medio Ambiente di AHATA ta organisa evento special riba e tema aki. Den cuadro di esaki a tuma luga den fin di siman, apertura di un Expo organisa door di e comision di Medio Ambiente di AHATA bou encargo di Vanessa Rasmussen. E expo di Arte Recicla ta poni na Cas di Cultura y a conta cu participacion di tanto hoben como adulto. Di dialuna pa diabierna for di 2’or pa 6’or di atardi tur persona interesa por bishita e expo cu ta habri pa publico en general.
Den cuadro di e 5 cambionan di ley laboral cu a drenta na vigor desde 1 di paril 2013, Departamento di Labor a cuminsa cu sesionan informativo dirigi pa diferente sector individual. Diabierna cu a pasa Departamento di Labor (DAO) a duna su prome sesion informativo pa e sector di agencianan di empleo temporal (uitzendbureau) y trahadornan temporal (uitzendkrachten).
Dialuna merdia riba e crusada di Kamerling Onnestraat na Solito chauffeur femenino di Toyota Yaris a crusa dilanti Toyota Van color cora. E chauffeur abordo e Yaris tabata sinti su curpa, tambe un mucha sinta patras di e Yaris a spanta hopi. E impacto tabata fuerte a dobla porta completo di e Yaris. Ambulance y Polis a yega na e sitio.
Informacion no tin balor si e no ta wordo comparti entre esnan cu ta traha hunto pa garantisa siguridad di un pais, Minister di Husticia y Enseñansa Arthur Dowers a expresa na e cuminsamento di e KLM Master Class tocante siguridad y liderazgo. E Master Class, cual a tuma luga diabierna y diasabra na Europe House, a wordo ofreci pa KLM na e sector di husticia di Aruba.
SETAR ta informa tur abonado di e servicio di FIBER TO THE HOME cu debi na trabaonan necesario di upgrading riba e sistema lo tin interupcion di e servicio aki: Entre diamars 16 di april 2013, 10 PM pa manece diaranzon dia 17 di April 2013, 2or di marduga.
Na momento cu Gabinete Mike Eman a drenta Gobernacion, a haci un promesa cu e cambio y renobacion pa mehora producto Aruba mester yega den tur skina di e isla. Inclusive San Nicolas cu a wordo neglisha pa añanan largo.
Despues cu landador sincroniza Arubano Anouk Eman a logra conkista medaya di Oro den e US Championship tabata e otro landador sincroniza di Aruba esta Kyra Hoevertsz kende hunto cu su equipo Walnut Creek Aquanuts a termina na di segundo lugar den nan categoria, bon pa un medaya di Plata den e campeonato mas grandi landamento sincroniza teni na Merca, unda scol y clubnan ta competi.
Directiva y maestronan di E.P.B.- San Nicolas, kier a invita cordialmente tur e mayornan di alumnonan di 4e klas pa un anochi pa mayor. E anochinan lo ta: Dia: Diamars, 16 di april 2013 Ora: 6:00 – 8:00 di anochi pa: Alumnonan di 4e klas Sector Economia, technico y Servicio Nos ta conta cu boso presencia.
Liga Hubenil di futbol di AVB presenta pa Gatorade e bebida di nos hoben futbolistanan a continua dialuna anochi den e division di junioren, unda nos a haya dos partido.
Diasabra dia 12 di April Parke Nacional Arikok a haya bishita di studiantenan di Universidad di Suriname. E studiantenan tabata presente na PNA pa sigui un workshop di geologia duna door di nan docente Dr. Dennis Lapoint y e geologo structural Dr. Kevin Stewart di University of North Carolina.
Dialuna atardi oficialmente IDEFRE a cambia di nomber pa IBISA (Instituto Biba Saludabel). Pa conmemora e hecho historico aki a inaugura tambe nan oficina nobo na Frankrijkstraat y lansa un website completo pa tin mihor interaccion cu pueblo pero tambe cu demas fundacionnan cu tin como meta pa un Aruba mas saludabel. Durante e atardi tabatin diferente tentnan informativo pa biba saludabel pero tambe con pa practica deporte. E atardi a caba cu un caminata chikito saliendo di nan mesun oficina core rond den Eagle bin bek.
For di mainta te cu atardi riba e parking lot di ex-Hotel Central den centro di ciudad tabatin un actividad pa tur esnan den nos comunidad cu tin problema bastante serio cu pa un motibo of otro no tin un dak riba nan cabes y ta biba riba caya. E evento a bay manera aña pasa a parti cuminda, bebida, articulonan di necesidad basico.
Den entrevista cu minister Arthur Dowers el a wordo puntra tocante e decision di minister publico, tocante e caso di accidente fatal na Noord, cu a laga e chofer cu tabata core hopi bebi, den libertad. El a bisa cu ministerio publico no a haya suficiente base pa mantene deteni e persona, a base di loke a pasa pero sin embargo esey no ta kita afo cu e tabata bao influencia di alcohol y esey tin su consecuencianan.
Minister di Turismo, Otmar Oduber, a keda sumamente contento despues di a reuni cu e Gerente General di Ritz Carlton Aruba, Sr. Roberto Grisi, cu a tuma e tempo pa duna e mandatario un indicacion di e progreso di e trabounan na e hotel.
RCA Interprint cu siman pasa a dal Dakota U17 2-1, diaranson atardi 6or na RCA Arena, La Fama lo bishita pa e di dos wega di play-off calle 6 den U17. Diabierna atardi na Jong Aruba, RCA Big Smile ta den acshon vs Jong Aruba. Diasabra ultimo RCA menor ta dal Britannia den Piedra Plat 6-0, cu 3 gol Jean Pierre v/d Linden y 3 gol di Jesus Peñate, y diasabra awor pa 4or ta RCA Insel Air vs La Fama den e cueva berde na Savaneta. Diadomingo un tabla lo bula ora RCA Big Wheel Lottery powered by Powerade topa Nacional den nan kas na CD Frans Figaroa pa 5or. Fanaticada jega trempan y apoya tur nos divishon nan.
Tin un coriente di malcontento na EPI tocante horario di school cu ta parce tin unidad a bin cu cambio. Den entrevista cu minister di ensejanza Arthur Dowers el a splica cu tin diferente facultad den e school cu tin diferente horario di les. E minister a splica cu algun ta duna les te 5:00 or di atardi y tin ta duna diasabra tambe, mientras cu tin facultad ta haci nan les mucho mas cortico.
Minister di Labor Otmar Oduber ta introduci cu e cambionan di ley pa loke ta trahador temporal un sistema completamente nobo pa tur ‘uitzendbureau’ na Aruba. Motibo principal pa a bin cu e cambio aki ta cu e ley riba trahadornan temporal ta un ley cu mester a wordo introduci basta tempo caba aki na Aruba.
Proyectonan na beneficio di comunidad manera ta e caso di Fiesta Rotaria, ta haya un contribucion balioso for di e hobennan di Formacion Social y nan, di nan banda, ta haya a cambio un les den comunitarismo y satisfaccion personal.
Diabierna anochi e studiantenan di tercer aña di IPA a duna un bunita presentacion di nan pasantia internacional. Mi persona tawata presente na e presentacion di St. Maarten y di Peru. Cu hopi entusiasmo e studiantenan a conta di nan experiencia di comienso te final y e investigacionnan cu nan a haci riba tereno di enseñansa y cultura.
Diasabra merdia a haya e grato noticia for di Greensboro, North Carolina cu e landador sincroniza Arubano, Anouk Eman hunto cu su duo Reem Abdalazem di Egipto a caba di logra e puesto number 1 y medaya di Oro den duet U.S. Championship!!!!! Anouk hunto cu su partner den duo Reem a representa Lindenwood University.
Riba website di USA Synchro, nos a mira un texto cortico unda ta bisa cu secretaria general di COA, Sra. Nicole Hoevertsz a haci entrega di medaya durante di e competencia mas grandi di landamento sincroniza esta e US Synchronize Championship. Esaki ta loke ta para "International Olympic Committee Member Nicole Hoevertsz awards medals to Walnut Creek Aquanuts for junior team.."
POLLXT_LOADING
