Tradicionalmente MEP ta tene su parada di auto riba e diadomingo promer cu eleccion y esaki tambe tabata e caso dia 24 di april 1983, esta awe 30 aña pasa. E parada manera custumber a pasa den tur bario di Aruba y caminda e hendenan tabata para canto di caminda cu bandera saludando e fila. Pueblo tabata contento y awe den feliz memoria Betico Croes tabata para manera custumber riba e jeep di Aiky Croes.
A tuma nota cu Evelin Wever Croes a bin critica Clarisca y bisa cu e no ta haci nada den parlamento paso e nunca ta presenta na parlamento pa atende leynan importante cu ta wordo trata pa preveni y combati criminalidad en cambio Clarisca tey SEMPER den parlamento pa haci su trabao y tur e leynan cu ta regarda husticia Clarisca ta y a carga tur den preparacion pa nan wordo trata den parlamento.
Durante e Green Education Symposium 2013 dialuna y diamars ultimo, organisa pa Biblioteca Nacional y Setar NV, e team di WEB Aruba a splica studiantenan di scolnan secundario con e compania di produccion di awa y coriente ta maneha e cambio pa sostenibilidad den produccion y suministro di coriente.
E anja aki un bez mas Palm Beach Plaza Mall lo celebra dia di mama en grande pero nos lo hasi esaki di un siman prome. E edición aki dedica na día di Mama lo ta uno special cu ta combina cu show di baile, fashion show, regalonan, glamour foto's, show di autonan di Garage Cordia, hopi descuentonan y animacion.
Cada feria di cabai ta un otro cos. Cada biaha ta trata di pone un accento diferente. E siguiente feria equino organisa pa Organizacion Caballista Arubano ta di e categoria di un competencia nacional y ta e competencia mas grandi despues di e feria internacional Interpaso.
E anja aki ta pa di 4 anja consecutivo cu HOG Aruba Chapter y Ladies of Harley riba iniciativa di Harley-Davidson® International, ta organisa e Women’s Ride. Un evento cu ta wordo organisa na nivel internacional. Anja pasa manera por recorda, Aruba a worde honra cu presencia di Karen Davidson cu a haci e recorrido cu tur e 150 hende muhenan cu a subi nan motorcycle e fin di siman ey.
For di momento cu Minister di Enseñansa, Arthur Dowers a bishita e workshop “Conscious Discipline” pa prome biaha, el a dicidi cu tur cabesante y maestronan di scolnan preparatorio y basico (kleuter y basisscholen) na Aruba mester haya e oportunidad pa siña e tecnicanan cu ta wordo comparti durante e sesionnan aki.
Recientemente a tuma lugar na Archivo Nacional entrega di un pakete di material pa scol tocante di “Aruba den temp’i guera”. Ta trata aki di un pakete consistiendo di un buki pa alumno, un guia pa maestro, 4 DVD, un corant cu informacion di Segunda Guera Mundial relaciona cu Aruba, un buki conmemorativo di exposicion “Aruba den temp’i guera” teni na aña 2010 y un poster di Derecho di Mucha.
Como Minister di Labor mi kier percura pa medio di un investigacion di DAO busca solucionnan cu lo crea oportunidadnan den forsa laboral pa studiantenan y hobennan profesional bolbe bek Aruba pasobra nos mester di nan pa hunto nos hiba nos isla dilanti.
Diasabra día 20 april 2013, Aruba Amateur Weightlifting Association a tene nan try-out di hisamento di peso. Esaki a tuma lugar den e sala di training na Compleho Deportivo Frans Figaroa na Noord. Den e try-out aki a participa un grupo grandi di atletanan di e club di Crossfit Aruba. Den e competencia aki solamente a wordo hisa den e disciplina di snatch.
Despues di dos tours di Aruba Pool Tour ta Richard Wolff y Jorge Petrochi ta liderando e ranking cu empate di 170 punto. Na di tercer lugar y como ganador di e di dos tour Gunnar “Blondmachine” Leonardo cu 155 punto a sa di domina e torneo di bola 8 y derota Richard “Wolffman” den final.
Apesar di ta biba riba un isla hopi chikito, unda cu mayoria hende conoce otro, toch no por descarta cu nos hende muhenan ta pasa den hopi situacion di violencia domestico. CEDEHM cu sosten di Minister di Asuntonan Economico, Asuntonan Social y Cultural, Michelle Hooyboer-Winklaar, a duna inicio na un proyecto di grupo di combersacion, cu nan a yama: Kibrando Cadena.
Dialuna atardi Santa Rosa cu cooperacion di DOW y polis tabata presente na e kioskonan ubica dilanti porta di waf pa kita 4 kiosko cu a wordo poni ilegalmente. Ta asina cu un total di 19 kiosko ta conta cu permiso pa ta estableci na e sitio y aproximadamente 2 siman pasa 4 kiosko a wordo poni di anochi pa mainta eynan, sin cu nan ta conta cu algun permiso.
Hotelnan di Aruba contrario na algun otro area di mundo, no ta cera nan portanan den luna di zomer. Pero si nan ta keda cu e reto pa bende nan camber na un tarifa cu nan por cubri nan gastonan y cumpli cu e bishitante. Esaki ta loke e CEO di AHATA Jim Hepple a duna di conoce den un entrevista. Mas cu trinta aña pasa tabata conoci e periodo di High season cu ta core for di december te cu april mientras cu temporada abou ta wordo considera di mei te cu mita di december.
Minister di Finanzas di Gabinete Mike Eman, Ing. Mike de Meza a duna un reaccion na prensa ayera atardi mirando cu tin algun comentario eroneo di un miembro di oposicion ta circulando. Pa pone un paro na cualke speculacion, de Meza a duna un splicacion detaya di e situacion. Durante un conferencia di prensa semanal di su partido, Sra. Wever-Croes a insinua cu gobierno lo a para tur promocion .
E BlackBerry Z10 nobo ta e prome smartphone pa lansa cu e plataforma BlackBerry nobo diseña y re inventa, ofreciendo e clientenan un experiencia potente y unico den informatica di celular nobo. E BlackBerry Z10 ta e BlackBerry smartphone mas rapido y avansa y ta ofrece un experiencia mas inteligente cu ta adapta continuamente na e necesidad di e cliente cu ya ta obtenibel na tur tienda di Digicel.
MAMBO ta organisa hunto cu gobierno un tremendo “Oranje Bazaar”, diasabra awor, 27 di April 2013. Caya ainda ta den pleno renovacion, y tin hopi caminda habri ainda. Pero tur commerciante di Caya Grandi lo ta den espera di pueblo henter pa bin haci nan compras den caya diasabra awor, 27 di April 2013. Mescos na Hulanda, na occacion di “Dia di La Reina” y cambio pa un Rey, Willem Alexander, mayoria commerciante lo tin hopi ofertanan super especial.
Diamars mainta tabata un dia grandi pa aviacion di Aruba na momento cu Minister Otmar Oduber a firma e Air Operator’s Certificate (AOC) di Aruba Airlines pa su Airbus 320. Minister di Turismo, Transporte y Labor a yama bon bini na Promer Minister Mike Eman, autoridadnan di Aviacion Civil como tambe na e doñonan y tur e representantenan di Aruba Airlines presente pa e bunita ocasion aki.
Durante di e celebracion di e di 30 aniversario di e kantoor di KPMG na Aruba, e director y lider di kantoor Indira Solognier a lansa un primicia: e “state of the art” My KPMG Portal. Indira Solognier a presenta e sistema online innovativo, cual KPMG ta introduciendo e aña aki den fase. E herment nobo a wordo introduci cu hopi exito na Hulanda y ta ofrece negoshinan un cooperacion sabi entre e comerciante y su accountant.
Un di e candidatonan nobo di MEP cu ta hayando tremendo acogida den pueblo ta sr. Edgard Vrolijk. Sr. Vrolijk a wordo lansa como candidato durante e ultimo Congreso di MEP y desde e tempo ey e ta activo bishitando habitantenan den diferente bario na Aruba.
For di momento cu Minister di Enseñansa, Arthur Dowers a bishita e workshop “Conscious Discipline” pa prome biaha, el a dicidi cu tur cabesante y maestronan di scolnan preparatorio y basico (kleuter y basisscholen) na Aruba mester haya e oportunidad pa siña e tecnicanan cu ta wordo comparti durante e sesionnan aki.
Parke kier a recorda un y tur den comunidad di su anochi di Pelicula dia 27 di April di 19:30 pa 21:30 na Parke su centro di bishita. Lo ta tremendo si por a communica esaki cu un y tur. Tambe lo ta tremendo di por conta cu bo presencia na nos anochi di pelicula.
Pa hopi aña caba Wit Gele Kruis ta colabora cu diferente hoge scholen y universidad tanto na Aruba y Hulanda. E colaboracion aki tabata semper un aspecto positivo pa e enseñanza di e verpleegkundigen nan di Wit Gele Kruis.
Celebracion di Dia Internacional di Diversidad Cultural, Desaroyo, Dialogo yIntegracionBiblioteca Nacional Aruba y Instituto Pedagogico Arubano ta organisa un actividad extramural multidisciplinario encuanto e relacionnan entre Aruba y Cuba pa mas di un siglo.
Awe ta e fecha natalicio di un di e heroenan nacional mas grandi den nos historia, esta Jorge Segundo Adelberto "Boy" Ecury. Un yiu di tera cu a sacrifica su bida pa liberacion di madre patria Hulanda durante Segundo Guera mundial.
Recientemente den oranan di mainta a tuma luga e di dos encuentro entre miembronan di Parlamento y un delegacion di AHATA, Aruba Hotel and Tourism Association, relaciona cu un proyecto di Ley cu Parlamento ta bay atende proximamente riba humamento den publico.
Lider di MEP Evelyn Wever-Croes a informa prensa cu MEP lo no participa na e acto di coronacion di Rey Willem Alexander otro siman na Hulanda. Motibo principal ta cu MEP no ta haya prudente pa den e momentonan cu e situacion financiero di nos pais ta asina dificil, pa forma parti di un delegacion exageradamente grandi.
Den luna di april 2013 ATA tabatin su conferencianan anual na Aruba cu nan partnernan strategico di Norte America – Estados Unidos y Canada - y di Latino America - Venezuela, Colombia, Argentina, Brazil, Chili, etc. - ariba e plan strategico pa promove e producto Aruba y pa duna cifranan di crecemento oficialmente publico. E crecemento den e cantidad y calidad di turismo di Aruba a bolbe wordo confirma cu e cifranan di e ultimo periodo.
Riba cancha di Eagle International Tennis Club Aruba, lo bai tin e di tres torneo di tennis pa hubenil international “Copa Eddie Ras” legendario tenista arubano. Interes ta grandi pa cu'e evento aki, nos tin confirmashon di 5 pais cu lo bai participa, un cantidad di 80 hungado hubenil di exterior y alrededor di 100 participante local Corsow y Boneiro, Colombia, Venezuela, USA & Suriname.
Prome minister Mike Eman a splica cu pa Aruba ta un momento hopi grandi mirando e confianza grandi cu a wordo poni dor di inversionistanan pa bin cu un aerolinea Aruba. E cambio den reino tabata hopi determinante.
E aña aki ta 30 aña despues cu e prome oficina di KPMG a wordo estableci na Aruba. Sr. Tico Croes a habri e oficina Croes & Croes na Aruba. Despues di un par di ana su ruman Sr. Erwin Croes a join. Na aña 1998 e kantoor a wordo traspasa pa e oficina di KPMG di Caribe Hulandes.
Biblioteca Nacional di Aruba, cual ta resorta bao di maneho di Minister di Enseñansa Arthur Dowers a haci un excelente trabao den transmiti e mensahe di e importancia di cuido di nos medio ambiente y con pa contribui activamente na e bienestar di planeta Tera cu un Green Education Symposium. E symposium aki a tuma luga dialuna y diamars na Westin Resort.
Cu e lansamento di e BlackBerry Z10 na SETAR, un biaha mas e compania nacional di telecommunicacion ta demostra cu e ta #1 den e area aki, ofreciendo lo ultimo den smartphones y riba e red 4G mas liher y confiabel. Un biaha mas e modelo nobo Blackberry Z10 di SETAR tawata e telefon mas popular awe na Aruba segun Ronica Lopez, ehecutiva di mercadeo na SETAR.
Siman pasa, un delegacion encabesa pa Minister di Salubridad y Deporte Dr. Richard Visser a bay Brazil. Minister Visser tabata acompaña pa Presidente di ATIA, Ronald van Trigt, Elvis Tjin Asjoe, Consehero di Minister,Marion Kappeyne, representante di e Gateway Mission y Jamal Khan Presidente di Camara di Comercio. E mision Brazil tabata sumamente exitoso pa Aruba.
Na Bestuurskantoor den sala di prensa cu presencia di diferente autoridad den aviacion tabata tin firmamento di e AOC pa e aerolinea nobo di Aruba Airlines. Minister Otmar Oduber a splica cu ta un momento special. Ta desde hopi tempo ta hibando un lucha pa mustra con kier mira Aruba den e cuadro di aviacion.
E vision ta hopi grandi y ta cay hunto cu otro vision di gobierno segun Minister Otmar Oduber. Minister Otmar Oduber a splica cu tabata tin hopi madurez caminda tres aerolinea a sinta hunto. Conhuntamente a cuminsa planifica pa e meta cu tabata tin nos dilanti. Asina e mandatario di turismo a sigui splica con a crea e facilidadnan importante pa acomoda tur hende. Brasil sigur ta un destinacion cu ta hopi necesario pa fortifica aerolineanan cu tin. Minister Otmar Oduber a splica cu e ta hopi orguyoso di mira e cantidad di piloto local cu ta traha cu e aerolinea mescos e stewardessnan. Caranan cu tin den e aerolinea no ta caranan desconoci den aviacion. Un total di 85 persona lo ta den e trabaonan cu e aerolinea aki. Minister Otmar Oduber ta contento y feliz di mira e proceso envolvi di aviacion civil den henter e asunto aki.
SETAR, e compania numero 1 den Telecomunicacion na Aruba, ta e prome pa lansa e modelo nobo BlackBerry smartphone, BlackBerry Z10 powered pa BlackBerry® 10. E BlackBerry Z10 smartphone den e linea di BlackBerry ta esun di mas liher, mas avansa y ta ofrece un experencia inteligente cu ta adapta continuamente na e necesidadnan di e cliente.
Riba peticion di e Gezaghebber Lydia Emerencia Aruba lo yuda Boneiro cu 6 Polis. E peticion aki a wordo honra pa Minister di Husticia na Hulanda Sr. Ivo Opstelten. Durante e ultimo simanan tabata tin basta crimen cu a tuma lugar na Boneiro y no tin suficiente Polis den e cuerpo. No ta conoci con largo e periodo di asistencia lo ta.
Diabierna 12 di April e 8 teams di e candeloso Old Parr 8 Ball Team Championship dirigi pa FEBIAR a cuminsa den Classic Billiards. Na mesa 1 a enfrenta otro, e dos grandi nan y mas experiencia den e deporte di “Team Pool” bouw di guía y conosimento di conocido Aaron Franken pa Barracuda y Ditto Acosta pa Hut Predators. Barracuda a demonstra cu no ta por nada nan ta existi 38 anja caba y asina ta pone Hut Predators conoce nan prome derota den e campeonato cu score di 5-4.
Diamars, 23 di april 2013, lo celebra Dia Internacional di Buki y Dia di Derecho di Autor na BibliotecaNacional, Oranjestad di 7.30 pa 9.30 di anochi. Biblioteca Nacional Aruba en cooperacion cu Instituto Pedagogico Arubano lo ofrece na autornan y publico en general un anochi multidisciplinario cu participacion di diferente artista y autor.
Recientemente e minister encarga cu Turismo, Transporte y Labor, Minister Otmar Oduber a inaugura e oficina nobo di DPL Pariba di Brug cu ta situa den e edificio di Arubus. Meta principal di esaki ta pa logra trece e servicio cu DPL ta brinda na su oficina principal cu ta situa na Seroe Blanco na un lugar mas central y accesibel pa e comunidad laboral Pariba di Brug tambe.
Directiva di Fundacion Bon Nochi Drumi Dushi ta den pleno preparacion pa e di prome ciclo di bishita na cas pa aña 2013. Nos voluntarionan ta en espera di e tayer cu ta alaves nan preparacion pa e bishitanan na cas di e muchanan cu a inscribi pa e prome periodo. FBNDD tin gran aprecio pa e trabou cu e voluntarionan ta haci y ta sostene nan cu guia profecional pa medio di tayernan cu ta engrandece nan conocemento di buki y lesamento mas ainda.
Probablemente dor di tabata den e zapatonan como un hoben cu interes den ingeniería y energia, Minister Mike de Meza a sinti’e inspira durante su oratoria na e di dos Green Education Symposium cu ta tuma luga dialuna y diamars den The Westin Resort & Casino.
Diadomingo atardi un publico grandi a bin celebra e apertura di Cas di Partido na Pos Chiquito y duna inicio na e Campanja di Desiree Croes. Sra. Jennifer Arends-Reyes, candidata nobo di AVP, a trece un bolo pa celebrasiu anja na e ocasion aki, ya cu riba e mes dia aki ela clebra su anja. Jennifer a duna un bunita speach mustrando tur presente cu e ta hoben, dinamico, y cu aprecio pa e bon trabou di Gabinete Mike Eman.
Pa di dos aña consecutivo Gobierno di Aruba hunto cu socionan local ta organisa un Green Symposium. E evento cu a cuminsa ayera mainta Westin Conference Center y ta continua awe, ta un realidad, danki na e confianza y sosten di Setar y Biblioteca Nacional. Un total di dos mil hoben di educacion avanza ta asisti na lectura di Ministernan como tambe expertonan local riba e tereno di energia sostenibel.
POLLXT_LOADING
