Parke kier a recorda un y tur den comunidad di su anochi di Pelicula dia 27 di April di 19:30 pa 21:30 na Parke su centro di bishita. Lo ta tremendo si por a communica esaki cu un y tur. Tambe lo ta tremendo di por conta cu bo presencia na nos anochi di pelicula.
Riba peticion di e Gezaghebber Lydia Emerencia Aruba lo yuda Boneiro cu 6 Polis. E peticion aki a wordo honra pa Minister di Husticia na Hulanda Sr. Ivo Opstelten. Durante e ultimo simanan tabata tin basta crimen cu a tuma lugar na Boneiro y no tin suficiente Polis den e cuerpo. No ta conoci con largo e periodo di asistencia lo ta.
Diabierna 12 di April e 8 teams di e candeloso Old Parr 8 Ball Team Championship dirigi pa FEBIAR a cuminsa den Classic Billiards. Na mesa 1 a enfrenta otro, e dos grandi nan y mas experiencia den e deporte di “Team Pool” bouw di guía y conosimento di conocido Aaron Franken pa Barracuda y Ditto Acosta pa Hut Predators. Barracuda a demonstra cu no ta por nada nan ta existi 38 anja caba y asina ta pone Hut Predators conoce nan prome derota den e campeonato cu score di 5-4.
Diamars, 23 di april 2013, lo celebra Dia Internacional di Buki y Dia di Derecho di Autor na BibliotecaNacional, Oranjestad di 7.30 pa 9.30 di anochi. Biblioteca Nacional Aruba en cooperacion cu Instituto Pedagogico Arubano lo ofrece na autornan y publico en general un anochi multidisciplinario cu participacion di diferente artista y autor.
Recientemente e minister encarga cu Turismo, Transporte y Labor, Minister Otmar Oduber a inaugura e oficina nobo di DPL Pariba di Brug cu ta situa den e edificio di Arubus. Meta principal di esaki ta pa logra trece e servicio cu DPL ta brinda na su oficina principal cu ta situa na Seroe Blanco na un lugar mas central y accesibel pa e comunidad laboral Pariba di Brug tambe.
Directiva di Fundacion Bon Nochi Drumi Dushi ta den pleno preparacion pa e di prome ciclo di bishita na cas pa aña 2013. Nos voluntarionan ta en espera di e tayer cu ta alaves nan preparacion pa e bishitanan na cas di e muchanan cu a inscribi pa e prome periodo. FBNDD tin gran aprecio pa e trabou cu e voluntarionan ta haci y ta sostene nan cu guia profecional pa medio di tayernan cu ta engrandece nan conocemento di buki y lesamento mas ainda.
Probablemente dor di tabata den e zapatonan como un hoben cu interes den ingeniería y energia, Minister Mike de Meza a sinti’e inspira durante su oratoria na e di dos Green Education Symposium cu ta tuma luga dialuna y diamars den The Westin Resort & Casino.
Diadomingo atardi un publico grandi a bin celebra e apertura di Cas di Partido na Pos Chiquito y duna inicio na e Campanja di Desiree Croes. Sra. Jennifer Arends-Reyes, candidata nobo di AVP, a trece un bolo pa celebrasiu anja na e ocasion aki, ya cu riba e mes dia aki ela clebra su anja. Jennifer a duna un bunita speach mustrando tur presente cu e ta hoben, dinamico, y cu aprecio pa e bon trabou di Gabinete Mike Eman.
Pa di dos aña consecutivo Gobierno di Aruba hunto cu socionan local ta organisa un Green Symposium. E evento cu a cuminsa ayera mainta Westin Conference Center y ta continua awe, ta un realidad, danki na e confianza y sosten di Setar y Biblioteca Nacional. Un total di dos mil hoben di educacion avanza ta asisti na lectura di Ministernan como tambe expertonan local riba e tereno di energia sostenibel.
For di augustus 2012 Fundacion Telefon pa Hubentud tin un director nobo den persona di Daphny Tecklenborg y pa introduci su mes y e plannan nobo di e fundacion recientemente a reuni cu Minister Michelle Hooyboer-Winklaar.
Diasabra anochi na Pavia tabata tin e celebracion di Tamara de Cuba kende a cumpli un aña mas di bida. Esaki a wordo celebra den un tremendo fiesta cu e tema di "Arabian Nights" hunto cu Claudius y OREO y tambe Megateca Genie. Un pabien ainda pa Tamara y deseando e hopi aña mas di bida.
Aruban Piano Legacy Concert cu presentacionnan di Victor Camacho, Angelo Kock, Kyle Winklaar, Mandy Villasmil, Terrence Green y Vanessa Chacon, bou direccion artistico di Carlos Bislip acompaña pa Ivan Quandus Diadomingo 28 April 7 PM na Cas di Cultura Carchinan pa Afl. 35.00 obtenibel na Cas di Cultura y cerca e musiconan Diadomingo 28 April por gosa di un piano concert na Cas di Cultura, bou direccion artistico di Carlos Bislip.
Dialuna manera anticipa tabata warda e sentencia den e caso cu a tuma lugar diabierna ultimo unda cu companianan di sonido entre otro di Santo Domingo y Aruba a entrama. E meta tabata pa corte declara Jonathan Vieira di Aruba International Film Festival Bancarota. Dialuna huez a dicidi cu ta honra e peticion di e companianan di sonido y ta declara e director di e festival bancarota.
Den trancurso di un Aruba mas sostenibel, Universidad di Aruba en cooperacion cu TNO, ta investigando kiko comunidad di Aruba ta pensa di energia eficiente, y con hende ta uza energia alternativo den nan propio cas.
Dialuna atardi lo bay tuma lugar riba e parkinglot di Aeropuerto e groundbreaking di e parke solar cu lo ta ubica na Aeropuerto mes. E parke solar lo tin dos funcion. E lo tin como funcion pa produci coriente na un forma mas sostenibel por medio di energia solar y tambe e lo fungi como sombra pa autonan cu ta staciona riba e tereno dilanti di Aeropuerto.
Den e siman cu a pasa sr. A.E. Richardson, Hefe di Polis, a invita cuatro colega di KPA pa entrega nan personalmente un recuerdo di Cuerpo Policial awo cu nan ta bay baha pensioen y un decreto gubernamental (landsbesluit) pa 30 aña den servicio di gobierno.
Diasabra día 20 april 2013, Aruba Amateur Weightlifting Association a tene nan try-out di hisamento di peso. Esaki a tuma lugar den e sala di training na Compleho Deportivo Frans Figaroa na Noord. Den e try-out aki a participa un grupo grandi di atletanan di e club di Crossfit Aruba. Den e competencia aki solamente a wordo hisa den e disciplina di snatch.
Despues di dos tours di Aruba Pool Tour ta Richard Wolff y Jorge Petrochi ta liderando e ranking cu empate di 170 punto. Na di tercer lugar y como ganador di e di dos tour Gunnar “Blondmachine” Leonardo cu 155 punto a sa di domina e torneo di bola 8 y derota Richard “Wolffman” den final.
Apesar di ta biba riba un isla hopi chikito, unda cu mayoria hende conoce otro, toch no por descarta cu nos hende muhenan ta pasa den hopi situacion di violencia domestico. CEDEHM cu sosten di Minister di Asuntonan Economico, Asuntonan Social y Cultural, Michelle Hooyboer-Winklaar, a duna inicio na un proyecto di grupo di combersacion, cu nan a yama: Kibrando Cadena.
Dialuna atardi Santa Rosa cu cooperacion di DOW y polis tabata presente na e kioskonan ubica dilanti porta di waf pa kita 4 kiosko cu a wordo poni ilegalmente. Ta asina cu un total di 19 kiosko ta conta cu permiso pa ta estableci na e sitio y aproximadamente 2 siman pasa 4 kiosko a wordo poni di anochi pa mainta eynan, sin cu nan ta conta cu algun permiso.
Hotelnan di Aruba contrario na algun otro area di mundo, no ta cera nan portanan den luna di zomer. Pero si nan ta keda cu e reto pa bende nan camber na un tarifa cu nan por cubri nan gastonan y cumpli cu e bishitante. Esaki ta loke e CEO di AHATA Jim Hepple a duna di conoce den un entrevista. Mas cu trinta aña pasa tabata conoci e periodo di High season cu ta core for di december te cu april mientras cu temporada abou ta wordo considera di mei te cu mita di december.
Minister di Finanzas di Gabinete Mike Eman, Ing. Mike de Meza a duna un reaccion na prensa ayera atardi mirando cu tin algun comentario eroneo di un miembro di oposicion ta circulando. Pa pone un paro na cualke speculacion, de Meza a duna un splicacion detaya di e situacion. Durante un conferencia di prensa semanal di su partido, Sra. Wever-Croes a insinua cu gobierno lo a para tur promocion .
E BlackBerry Z10 nobo ta e prome smartphone pa lansa cu e plataforma BlackBerry nobo diseña y re inventa, ofreciendo e clientenan un experiencia potente y unico den informatica di celular nobo. E BlackBerry Z10 ta e BlackBerry smartphone mas rapido y avansa y ta ofrece un experiencia mas inteligente cu ta adapta continuamente na e necesidad di e cliente cu ya ta obtenibel na tur tienda di Digicel.
Diamars 23 di april 2013 ta celebra Dia Internacional di Buki y Derecho di Autor na Biblioteca Nacional Aruba, G. Madurostraat, di 7.30 pa 9.30 di anochi. Biblioteca Nacional Aruba en cooperacion cu Instituto Pedagogico Arubano lo ofrece na autornan y publico en general un anochi multidisciplinario cu participacion di diferente artista y autor. Participacion di autornan manera Digna Lacle-Herrera y Ernesto Rosenstand; cantantenan Faritah Luydens y Gabriela Krozendijk.
Cuminsando dia 1 di Januari 2014, PostNL mag di zorg pa post den cinco dia na luga di seis. Carchinan di rouw y postnan medico si mester wordo atendi seis dia pa siman. Esaki ta stipula den un propuesta di ley cu Minister Kamp di Asuntonan Economico a impone ayera, dia 22 di April, pa Tweede Kamer.
En cuanto e cambionan di ley laboral cu a drenta na vigor entrante 1 di april 2013, Departamento di Labor y Investigacion (DAO) bou di e maneho di Minister di Labor Otmar Oduber a tene un siman activo unda cu diferente sector a logra haya informacion extenso riba e 5 leynan laboral aki.
Despues cu luna pasa Minister Otmar Oduber, kende tabata presente na Bogota, Colombia a logra yega na un acuerdo bilateral completamente liber cu Colombia, awor ta asina leu cu cuminsamento di otro siman e delegacionnan di ambos pais lo sinta na mesa pa concretiza e acuerdo aki.
Durante un entrevista na ATV cu e famoso artista Jenny Kock, Samsom Bookstore por a compronde cu Jenny no por sigui cu su trabao artistico, debi na su situacion financiero.
Mescos cu siman pasa, na unda Aruba Tourism Authority a yama bonbini na participantenan for di Norte America pa e ‘Annual Tourism Conference Aruba’ (ATCA), e siman aki ta bay tuma luga CATA, Conferencia Anual de Turismo’, cual lo tuma luga di 15 pa 17 di april.
SETAR ta informa tur abonado di e servicio di FIBER TO THE HOME cu debi na trabaonan necesario di upgrading riba e sistema lo tin interupcion di e servicio aki: Entre diaranzon 24 di april 2013, 10 PM pa manece diahuebs dia 25 di April 2013, 1or di marduga.
Investigacion grandi andando riba caso unda den oranan di dialuna mainta pareha a bira victima di atraco y maltrato den nan mesun kamber na Tropicana Hotel. A mira un cantidad di autoridadnan concerni for di recherche te cu slachtofferhulp ta drenta e hotel. Personal di Seguridad lo a bin haya e situacion.
Pa hopi aña caba Wit Gele Kruis ta colabora cu diferente hoge scholen y universidad tanto na Aruba y Hulanda. E colaboracion aki tabata semper un aspecto positivo pa e enseñanza di e verpleegkundigen nan di Wit Gele Kruis.
Celebracion di Dia Internacional di Diversidad Cultural, Desaroyo, Dialogo yIntegracionBiblioteca Nacional Aruba y Instituto Pedagogico Arubano ta organisa un actividad extramural multidisciplinario encuanto e relacionnan entre Aruba y Cuba pa mas di un siglo.
Awe ta e fecha natalicio di un di e heroenan nacional mas grandi den nos historia, esta Jorge Segundo Adelberto "Boy" Ecury. Un yiu di tera cu a sacrifica su bida pa liberacion di madre patria Hulanda durante Segundo Guera mundial.
Recientemente den oranan di mainta a tuma luga e di dos encuentro entre miembronan di Parlamento y un delegacion di AHATA, Aruba Hotel and Tourism Association, relaciona cu un proyecto di Ley cu Parlamento ta bay atende proximamente riba humamento den publico.
Lider di MEP Evelyn Wever-Croes a informa prensa cu MEP lo no participa na e acto di coronacion di Rey Willem Alexander otro siman na Hulanda. Motibo principal ta cu MEP no ta haya prudente pa den e momentonan cu e situacion financiero di nos pais ta asina dificil, pa forma parti di un delegacion exageradamente grandi.
Den luna di april 2013 ATA tabatin su conferencianan anual na Aruba cu nan partnernan strategico di Norte America – Estados Unidos y Canada - y di Latino America - Venezuela, Colombia, Argentina, Brazil, Chili, etc. - ariba e plan strategico pa promove e producto Aruba y pa duna cifranan di crecemento oficialmente publico. E crecemento den e cantidad y calidad di turismo di Aruba a bolbe wordo confirma cu e cifranan di e ultimo periodo.
Riba cancha di Eagle International Tennis Club Aruba, lo bai tin e di tres torneo di tennis pa hubenil international “Copa Eddie Ras” legendario tenista arubano. Interes ta grandi pa cu'e evento aki, nos tin confirmashon di 5 pais cu lo bai participa, un cantidad di 80 hungado hubenil di exterior y alrededor di 100 participante local Corsow y Boneiro, Colombia, Venezuela, USA & Suriname.
Cu emocion di orguyo riba su cara y un nostalgia den su mirada, ex-cabesante di Sint Annaschool, Meneer Chin Flanegin a corta e sinta dialuna mainta pa efectua asina e reapertura di e scol stima den curason di Noord. E sker a wordo entrega na dje pa Alisha, e alumno kende tabata na scol ora cu e fenomeno di naturalesa “downdraft” a destrui su scol 20 luna pasa.
Dialuna atardi Minister di Husticia y Enseñansa Arthur Dowers a ricibi un donacion valioso di sector priva pa Cuerpo Policial for di director di Aruba Hotel and Tourism Association (AHATA), Jim Hepple. E mandatario a ricibi e yabinan di dos pick-up Toyota Hilux for di Sr. Hepple y na su turno a entrega esakinan na Alto Comisario Dolfi Richardson.
Nos di Arubaadultshop.com kier a bisa danki pa e bon reacción cu nos a haña di Aruba den e siman ultimo cu pasa. Danki pa a laga nos yudabo expresa bo amor cu bo pareha den e manera mas intimo posibel. Si acaso abo kier hinka un tiki mas pasion y adventura den e relacion intimo cu bo pareha nos lo por yudabo cu esey. Nos ta ofrece FREE delivery cu cada compra di $100,- of mas y ta ofrece next day delivery den un pakete completamente sin label y full anonimo.
Departamento di Cultura Aruba ta informa cu Dia Internacional di Tera ta un dia pa conscientisa riba e retonan pa cuida nos planeta y particularmente nos dushi isla Aruba. E dia 22 di april ta ser conmemora of celebra mundialmente for di april 1970.
Den un ambiente hopi ameno e hobennan di e schoolnan: Filomena College Mavo, Juliana School, Juliana School Dependance, St. Augustus College, Ibero American, De Schakkel, Maria College, Abraham de Veer School, IPA y un grupo di Universidad Aruba a presencia e Green Education Symposium 2013 organisa pa Biblioteca Nacional y SETAR.
Ariba diamars 23 di april benidero Mary Joan Foundation ta presenta un otro charla interesante y e biaha aki e topico ta Cancer y Chemotherapia Chemotherapia ta un tratamento cu ta mas tanto usa ora un persona wordo confronta cu e malesa cancer. Tin diferente tipo di chemotherapia cu ta wordo usa, tin biaha un so of en combinacion pa trata diferente tipo di cancer.
Alto mando di Cuerpo Policial di Aruba a dicidi di organisa e prome „kijkdag‟ den aña 2013 relaciona cu tur e autonan y brommernan staciona na diferente warda di polis. Algun di e autonan a wordo tuma den beslag durante accion di trafico di polis, algun auto a wordo haña banda di caminda of den mondi door di polis, algun auto ta procedente di joyriding, etc.
Dim lights E canta-autor Arubano Bryan van Putten a lanza un single promocional nobo riba mercado. E cancion titula Spanish Heartbreak ta e prome single di e disco nobo cu ta caminda E clip di Spanish Heartbreak por wordo mira atravez di YouTube. E imagenan a wordo filma na Aruba. E cover artwork di e single a wordo pinta pa artista Arubano Natusha Croes.
POLLXT_LOADING
