Actualmente riba internet tin un competencia tumando lugar di "Mijn droom voor ons land". Den esaki ciudadonan biba den reino por comparti nan sonjo. Esaki lo wordo publica den un buki.Tambe tin un competencia pa e sonjo mas popular. Sr. Atan Lee ta un participante fuerte pa Aruba.
Diabierna anochi na e t-kruising banda di Fermis Bar a sosode un accidente unda cu tres auto tabata envolvi. Pa motibo di preferencia e accidente aki a sosode. Ambulance a prensenta na e sitio pero e heridonan no tabata di e gravedad pa a wordo transporta pa Hospital. Personal di Ambulance a trata tur persona na e sitio mes. Dos di e autonan a keda totallos.
Ayera na ocasion di cumpleanjos di nos distinguido tata di cultura comision Bernadina Growell representa pa sr. Persey Jeandor y Mervin Ras a duna sr. Padu Lampe y su familia un bishita pa por felicita Padu. E anja aki dia 29 juni e di tercer festival cu e comision a bin ta organisando anualmente lo ser dedica na Bernadina y tambe na nos tata di cultura. Comision Bernadina Growell ta desea nos gran valuarte di cutura hopi anja mas di bida den compania di su distinguida famia.
“Nos por ta sumamente orguyoso pa mira di unda nos a bin y unda nos ta para awe”, na palabra Minister di Finanzas Mike de Meza relaciona cu e rapport di IMF. IMF tabata na Aruba durante algun dia pa haci un evaluacion di e situacion economico financiero di Aruba. De Meza a splica cu dia cu miembronan di Gabinete Mike Eman a asumi responsabilidad di gobernacion riba 2 di november 2009, nan a haya nan mes confronta cu un situacion masha dificil.
Diabierna mainta Aruba a lanta decora cu bandera di Cambio di Trono cu ta tuma lugar diamars awor na Amsterdam. Den oranan di mainta mayoria di nos tabata caminda pa trabou, scol etc. por aprecia diferente bandera, banner di colornan blauw, blanco, cora y oranje.
Un total di 9 turista herida uno mas grave cu otro ora un Safari Jeep di De Palm Tours yen di hende a bolter. Park Rangers hunto cu Ambulance y Polis a mobilia cu urgencia na e sitio. Un herido tabata hopi grave mester a uza helicopter pa transporte pa hospital. HVT a cera parkeerplaats principal pa helicopter di Polis baha sigur. Con e accidente a sosode no ta conoci ainda.
Diabierna mainta na tur e scolnan basico na Aruba tabatin Weganan di Rey. Esaki ta encera 35 scol na unda hunto 10 mil mucha ta haya nan educacion basico. Weganan di Rey a wordo organisa riba peticion di Prins di Oranje, kende ta un persona hopi deportivo.
Muchanan y docentenan a decora y dorna Scol Paso pa Futuro pa celebra Weganan di Rey. A habri e mainta ta prepara e scol pa hunga e weganan despues a canta himno di Aruba cu Hulanda y hisa ambos bandera. Muchannan tabata contento di e manera aki por ta parti di e Cambio di Trono.
Proximamente, Dr. Horacio E. Oduber Hospitaal lo start cu diferente opleidingen nobo cu lo start den luna di juni. Durante e presentacion oficial cu a tuma luga na Edward Cheung Center, Frans Figaroa, Coordinador di e departamento di Opleiding di HOH a duna di conoce cu esaki ta un momento hopi special pa nan ya cu nan a warda hopi pa cuminsa cu e opleidingnan aki.
Na Universidad di Groningten a promove Justin Smit como dokter den medicina. Presente na e promocion aki tabata su mayornan, su partner y su ruman muher Kristel Smit. Cas di Aruba a keda representa pa director interino sra. mr. Shandra John y hefe di departamento di Enseñansa di Cas di Aruba sr. drs. Samuel Dumfries.
Atraco team ta investigando un caso y relaciona cu esaki nan tabata buscando un auto sospechoso. Diabierna merdia un patruya a logra topa cu e auto aki na e casnan di pueblo di Bushiri. Imediatamente mas patruya incluyendo dos di e unidad K9 tambe a presenta. A listra den e auto y a haya un arma blanco. Polis a dicidi di tuma e auto den beslag.
Tur cos ta cla pa e gran celebracion di 30 aña di Palo Marga cual lo conta cu 11 auto di Puerto Rico, 30 auto y 31 brommer di Curaçao. Como atraccion lo tin e caredanan heads up dus cu e auto nan ta Sali cabes cabes hunto den e categoria di 7.90, 8.90, 9:90, 10,90 mane cu e tabata 30 aña pasa.
Pa tur esnan cu tabata pendiente di e containernan di Serlimar den bario, Serlimar ta recorda cu esaki ta sigui diadomingo awor 28 di april, na Centro di Bario Playa Pabao (parti na banda) E horario lo ta di 8’or di mainta pa 3’or di atardi.
Actualmente tin un caso na Westin Hotel na unda tin un proceso andando pa trahadornan por tin nan representacion sindical. Westin Hotel, despues cu den pasado pa hopi anja su antesesornan a conoce FTA como representacion di e trahadornan, a introduci un representacion propio di e trahadornan cu yama TEAM.
E siman aki Aruba a conoce un atentado di Gobierno di AVP riba un comerciante local y pio ainda esaki sucede den ora di marduga. Parlamentario Arondino Croes ta desaproba totalmente e forma con Gobierno di AVP a laga destrui e kiosko di famia Gibbs na final di Caya Betico Croes. En total ya caba tin 16 comerciante den Caya Betico Croes mester a sera negoshi y awor aki un otro negociante local ta ser perhudica.
Diabierna atardi riba e caminda principal di San Nicolas pa Oranjestad na altura di Cura Cabai Lottery a sosode un accidente cu dos auto envolvi. Ta asina cu e señora chauffeur den Toyota Yaris A-37258 a bai subi caminda den pura estilo "U-turn direccion pabou sin tuma nota di un Kia Rio A-53384 biniendo for di pariba bay dal den otro.
Na momento di entrega di plakkaat na Sr. Shop Pe Maduro como baluarte di Weg Seroe Blanco, Minister President Mike Eman a enfatisa dos punto. E prome ta cu e ta simplemente e vehiculo cu ta sigui e boluntad di su bisiña y amigonan di bario y dos; cu e honor no ta solamente pa su persona, pero tambe pa su defunto tata cu a dun'e e ehempel y na su famia cu a sostene den su esfuersonan.
E rapport preliminario di IMF a keda cla. Gobierno a tene un conferencia di prensa pa duna splicacion di loke a sali afo di e bishita di IMF na Aruba. Prome Minister Eman a bisa cu ta parce cu IMF a tende e slogan di partido AVP cu ta bisa ‘Bon trabou, Ainda Falta’, pasobra cu esaki ta netamente loke e expertonan di IMF ta bisa den nan rapport.
Dim lights
Click play pa mira e video di e accidente y momento cu Helicopter a transporta un di e heridonan den e accidente cu a pasa den Parke Arikok pa Hospital.
Manera ta conoci e aña aki atrobe Aruba Marine Park Foundation den estrecho cooperación cu Santa Rosa y Stichting Centro di Pesca Hadicurari a traha duro pa organisa otro campeonato nacional di Lionfish. E intención pa sigi cu e esfuerso pa controla e población di Lionfish rond di nos isla.
Na conclusion di bishita di e staff di Fondo Monetario Internacional IMF, e mision a saca un declaracion na unda a duna di conoce cu Aruba a sa di supera dos crisis den e ultimo añanan: e prome na 2009 como resultado di e crisis financiero mundial y e di dos na 2012 cu ciere di e refineria.
Aruba Toastmasters Club ta invita tur hende na nan Reunionan Educativo cada segundo y ultimo diahueps di luna y si diahuebs cay ariba dia di fiesta, e lo bira diaranzon.
Dia 30 di april 1980 Su Mahestad Reina Beatrix a tuma e reinado di su mama Juliana. Dia 30 di april venidero, despues di 33 aña di reinado, SM Reina Beatrix lo pasa e corona pa su yiu homber mayo, ‘de prins van Oranje’, Principe Heredero Willem Alexander.
Apesar cu e noticia cu lo tin wega di rey a presenta su mes den un tempo cortico. Asina mes Colegio Sagardo Curason tabata sa con pa hinca un evento yen di accion pa e muchanan.
Diabierna mainta na Stern GM a tuma lugar entrega di e auto cu a wordo rifa na Fiesta Rotaria. E evento aki ta wordo organisa anualmente pa Aruba Rotary Club y tur aña tin como premio mayor un auto. E aña aki e Pickup Mazda BT50 a wordo gana pa Nelson Petronia. Miembronan di Aruba Rotary Club y General Manager di Stern GM a entrega e yabi na e felis ganador.
En coneccion cu e dos dianan festivo, Anja di La Reina y Dia di Obrero, gerencia di Serlimar ta recorda tur negoshi y e publico en general, di e siguiente adaptacionnan:
Diahuebs anochi Brazil Taekwondo Stichting a reuni na Centro di BarioBrazil cu su miembronan.Durante e reunion a trece varios punto pa dilanti pa asina discuti e plannan pa e siguiente lunanan nos dilanti.E tesorero Robert Giel a trece e relato dilanti di e cuenta di banco na unda cu e luna aki por a mira kiko tur a wordo paga y cuanto ta e saldo die cuenta.
Diasabra anochi, alrededor di 8:10 chauffeur di un pickup Mitsubishi color berde a perde control di su auto ranca pal'i lus completo, debi impacto e pickup a bay para un distancia. E chauffeur homber pa un of otro motibo a perde control tras di stuur baha caminda na su man drechi y a bay ranca e pal'i luz. No tabatin herido. Polis a cera ambos banda di caminda mientras cu tecniconan di Elmar a haci trabounan necesario.
Riba 10 mil mucha a participa ayera den e prome ‘Weganan di Rey’, y esey ta na Aruba so. Como parti di e celebracionnan di cambio di trono, Prins Willem Alexander a pidi pa organisa e evento aki na nivel di henter Reino. Muchanan di scolnan preparatorio y basico a participa den wega varia como tambe físico y a duna atencion tambe na un bon nutricion.
IMF, Fondo Internacional Monetario, a emiti su relato tocante di Aruba su situacion financiero-economico y ta trece dilanti exactamente loke e gobierno aki a bin ta haci e ultimo añanan. Esaki ta loke e minister encarga cu Infrastructura, Benny Sevinger a mustra enfaticamente riba dje. E reportahe ta mustra cu IMF "ta mira cu e parti importante di recuperacion di Aruba tabata e inversionnan cu a wordo haci den infrastructura di nos pais," Minister Sevinger a splica.
E conocido presentado di programa na radio y television, Ivo Yanez a cumpli aña awe. Ta for di trempan caba el a cuminsa ta haya masha hopi regalo, saludo via radio y hasta un mariachi cu a presenta den studio di Canal 90 FM. Nos miho deseonan pa Ivo Yanez, cu e cumpli hopi aña mas di bida y pa e sigui entretene nos tur atardi via su programa di radio.
Marisela y Isidora, mescos cu miles y miles di otro Arubiano, ta consciente cu hopi a wordo haci dor di gobierno den e ultimo tres aña y mey y cu tin mas na caminda. E habitantenan di Weg Seroe Blanco a expresa e pensamento aki, nan no ta e unico den e bario. Diahuebs mainta Prome Minister a pasa bishita varios cas di e bisindario di pariba di brug manera cu e ta haci regularmente rond di Aruba.
WEB mes ta keto riba e caso aki pa saca informacion. Asina mes tin informacion cu pa algun dia caba tin un total di seis trahador di WEB Aruba NV cu a wordo manda cas. Nan ta suspendi pa asina un investigacion interno por tuma lugar riba ladronicia di koper cu ta tumando lugar den e compania.
Despues di cu partido MEP no por a reunie cu Fondo Internacional Monetario diahuebs atardi, diabierna trempan sin embargo por a reunie. Esaki despues di un protesta fuerte di parti di partido MEP. A bin disculpa di tanto Banco Central como IMF mes pero e motibonan di e cancelacion abrupto di e reunion di diahuebs atardi a keda desconoci.
Manera ya ta custumber salanan di exposicion Museo Arqueologico lo habri riba Aña di La Reina for di 10’or pa 2’or. Bishitantenan ta haya e oportunidad riba e dia liber aki pa bishita Museo cu nan famia y amigonan. Pa tur mucha lo tin un “corona di oro” regalo e dia aki (tanten cu tin provision).
Gabinete Mike Eman a tene un conferencia di prensa pa duna splicacion di loke e instituto IMF a conclui despues di un bishita na Aruba. IMF a saca un rapport preliminario y gobierno ta haya importante pa comparti esaki. Na e conferencia di prensa tabata presente tambe Ministernan Hooyboer-Winklaar, de Meza, Sevinger y Oduber.
Minister di Asuntonan Economico, Asuntonan Social y Cultura Michelle Hooyboer-Winklaar conhuntamente cu Prome Minister Mike Eman a ricibi e rapport final relaciona cu e oportunidadnan cu tin pa Aruba como “gateway” for di e compania Ernst & Young.
Diabierna manera mayoria scol na Aruba scol Caiquetio tambe a celebra esaki despues cu e alumnonan a haya simanan di informacion tocante e cambio di trono.
Diabierna durante dia varios scol a organisa diferente wega y deporte pa cu e Koningspelen. Na Maristella nos grandinan tambe tabata activo mirando diferente buki cu storianan di famia real. Tambe nan a disfruta di oliebollen. Por a mira hopi cara contento pa cu e celebracion aki.
Tin un dicho cu ta bisa, “ Donde manda capitan, no manda marinero.” Awe nochi Subway Calle 6 organiza pa AVB ta continua cu otro candeloso wega ora cu e leader nan di e campeonato actual, E puma nan di Piedra Plat, SV Britannia ta topa e ultimo clasifica, E amirillo nan di Dakota.
Un di e preguntanan cu a wordo haci durante e ultimo Censo ta, ki nacionalidad e personanan encuesta tin. E pregunta aki ta pa haya sa entre otro cuanto persona cu ta biba na Aruba tin e nacionalidad Hulandes.
Entrante januari 2013 Oficina di Registro Civil y Censo a introduci e servicio di peticion of renobacion di paspoort pa medio di un cita. Esaki a nifica un alivio grandi na e oficina principal. E proceso di paspoort segun e sistema anterior tabata conduci na un espera largo prome cu por a atende un cliente p y cu solamente por a atende un cantidad minimo di persona pa dia.
POLLXT_LOADING
