Bao e luna yen, Claudius Philips lo bay toca den e di 13 edicion di Soul Beach Music Festival. Claudius su experiencia cu Soul Beach Music Festival ta mustra cu e pueblo di Aruba ta un pueblo cu ta gusta e variacion di musica, no solamente Calypso, Roadmarch y musica Caribense, pero tur tipo di musica.

RBC Royal Bank su di 4 edicion di ART RULES ARUBA ta bek cu un di su tayernan mas popular; MODA. Presenta pa Christina Madry, un Estilista y Editor di Moda na New York, Christina lo ta parti di un ekipo di Maestro Internacional cu ta biniendo Aruba pa un programa di tayer di dos siman durante e temporada di zomer.

Den cuadro di e conferencia ‘Europe Meets the Americas’ embahadornan di Reino di e Hemisferio Occidental a pone nan mes na haltura di e hopi desaroyonan positivo na Aruba. Loke e ‘corps diplomatique’ mas tanto kier sa ta con for di nan post nan por yuda realisa e concepto Aruba Gateway. “Bida ta dushi na Miami. Mi ta eynan desde augustus 2011.

Diahuebs 23 di mei: Karaoke night! 

Diahuebs ta Karaoke night na Club Hipsz. Bin demonstra bo talento di canta y pasa pret cu bo amigonan. Scohe entre 14.000 cancionnan di differente lenga. Tur participante ta haya un shot gratis! E Karaoke night ta cuminsa 9or! Entrada ta gratis y nos tin prijs special riba differente cocktails.

Hopi ta e comentario- y e preguntanan cu partido UPP, y Booshi Wever tambe personalmente, a bin ta haya, cu kico di berdad tin cu su persona ta bayendo MEP bek. Tanto Booshi como resto di directiva di U.P.P., ta laga e analisis cu a sali den corant, pa cuenta di e “periodista(nan)” cu a scirbi esaki.

E weekend aki ta e ultimo weekend di collecte di Koningin Wilhelmina Fonds (KWF). Manera ya ta e custumber pa añanan largo KWF ta tene nan colecta anual den luna di april y e aña aki a extende e colecta den luna di Mei tambe pa asina recuada fondo pa e trabounan cu KWF ta eherce tur dia. KWF ta yuda pashentnan di cancer y nan famia cu diferente servicio.

Loke ta dunando resultado den e progreso di deporte na Aruba ta un combinacion di e vision di Minister di Deporte Richard Visser y Minister di Asuntonan General, Mike Eman, sin laga afo e ingrediente esencial cu ta e boluntad di e propio comunidad, tanto di organisacionnan deportivo y deportistanan, como di sector priva. Esey ta loke a comprende di Ditto Acosta durante un bishita cu e coordinador di deporte pa ekipo di BoBario a haci na veld di Calbas hunto cu Prome Minister.

Atracadonan a faya y a haya mokete cerca turista

PALM BEACH—Asistencia di polis a wordo pidi diahuebs 00.24, na haltura di Gusto nightclub, naunda un homber a wordo atraca y e guardianan di Gusto supuestamente tin e atracador wanta.  Ora cu Polis a yega na e sitio, nan ta wordo bisa cu e atracadornan a core bay  den direccion di South Beach.

Edgar Oduber a cumpli 20 aña di servicio na gobierno di Aruba, unda cu el a traha for di 11 di januari 1993 na Dienst Technische Inspectie (DTI) y a bay cu pensioen e siman aki. Minister di Husticia y Enseñansa, Arthur Dowers tabata presente na e conmemoracion di su hubileo y celebracion di e cuminsamento di su pensioen.

Den e playoff Caya 4 di Liga Hubenil di AVB, presenta pa Gatorade, e bebida mas gusta pa nos hoben futbolistanan a continua cu un solo partido. Riba tereno di Centro di Bario Piedra Plat, e pumanan di Piedra Plat esta Britannia a logra saborea un victoria na cas contra di e naranjadanan di Sta Cruz, Estrella.

Na J.H. Yees a tuma lugar un encuentro entre differente instancianan y sponsernan pa asina hunto hasi e evento di Mrs Universe 2013 possible cual lo tuma lugar durante luna di Augustus na Westin Aruba. Westin Aruba lo host e candidatanan durante nan estadia aki na Aruba y e anochi final Augustus 11 lo tuma lugar den e ballroom di Westin hotel. Garage Centraal ta e mainsponser di e evento aki.

Minister di Asuntonan Economico, Asuntonan Social y Cultura Michelle Hooyboer-Winklaar ta den un bishita di trabao na Hulanda. Na Univerdidad di Leiden a entrega e rapport na Minister Plasterk tocante e situacion di e muchanan na Aruba, elabora door di UNICEF. E mandatario a splica cu esaki tabata un presentacion caminda tabatin discusionnan hopi interesante y hopi dialogo.

Diadomingo awo, Le Groove ta bay subi escenario di Soul Beach Music Festival cu nan musica cu ta entretene tur hende cu un variedad grandi di nan cancionnan. Esaki no ta prome biaha cu Le Groove ta participa den e Soul Beach Music Festival, y manera Antoni Gario mes ta bisa, den su experiencia, e organisacion ta traha hopi bon coordina.

Comison Bernadina Growell ta informa cu den cuadro di preparacionnan pa cu e festival di cancionnan dedica e na mama di cultura sra. Bernadina Growell-Kock y tata di cultura, sr. Padu Lampe, dia 29 di juni venidero, lo tuma lugar diferente training. E siguiente lo ta diamars awor dia 28 di mei cuminsando for di 7.30 den Centro di Bario Brazil.

Ultimo tempo nos por a tuma nota di veredictonan den casonan di abuso sexual contra muchanan. Den caso cu un adulto ta acepta di e abusa sexualmente di muchanan, e castigonan ta demasiado abou. Lider di MEP a comenta esaki durante conferencia di prensa. “Cada dia nos ta mira cu tin mas mucha inosente ta bira victima di abuso sexual di muchanan.

Tur cos ta cla pa e di dos edicion di torneo 'Copa Mike Eman' cuminsa diadomingo awo na veld di Montserat. E torneo cu ta combina deporte di softball y wega di domino, ambos actividadnan deportivo y social masha popular riba nos isla. 'Copa Mike Eman' ta dura pa tres diadomingo consecutivo, compaña pa e bon ambiente conoci di e veld aki.

Diabierna atardi riba e crusada di Sasaki-Palm Beach na altura di Mc Donald's un trekker cu un cargo demasiado halto riba un flat bed a dal den luz di trafico bira e hero cu ta sostene e luznan. Un luz di trafico mes tambe a bira bay abou, hacie dificil pa automobilistanan wak e luz for di un distancia. Polis a yega tuma nota di e sucedido. DOW awor lo tin di pone e luznan bek na nan lugar.

Den entrevista cu Juan David Yrausquin presidente di e Comision Fiho di Parlamento riba asuntonan financiero economico, a splica cu e reunion cu nan a tene cu banco central reciente riba su mes ta positivo y nan a duna e proyeccionnan economico di nos pais pa 2013.

Durante un entrevista cu prome minister Mike Eman, a mustre cu lider actual di MEP ta campañando cu nan lo kita belasting pa e pensionadonan. Segun e prome mandatario actual, un pensionado cu tin solamente pensioen di AOV no ta paga belasting y un hende cu a traha na servicio di impuesto mester sa esey.

Departamento di Salud Publico (DESPA) a ricibi informacion for di Organisacion Mundial di Salud (WHO) y Caribbean Public Health Agency (CARPHA) tocante caso di Influenza tipo H7N9 na China, H1N1 na Venezuela y caso di infeccion respiratorio ocasiona pa Corona Virus na algun pais den Medio Oriente.

Mini Mega, un di e 7 weganan di Lotto, e loteria di Aruba, ta sigui cambia bida di su hungadonan na momento cu nan gana. E sorteo di Mini Mega di 16 di april ultimo tabatin un Ganado di dos premio, no mas cu e ganado no a presenta prome, door cu ta apenas Diahuebs 23 di mei, Ronald D. a haya sa cu el a gana, ora el a revisa su ticketnan riba Lotto su website www.lottoaruba.com.

Dialuna ultimo Kamilah Dammers a duna un bon competencia den e torneo concecabol na Cali Colombia. E competencia di dialuna tabata individual na unda cada hungado a tira 6 wega.

Diamars pasa e di prome neishi di Driekiel di 2013 (dilanti di La Quinta) tabatin 69 dia di incubacion. Normalmente webonan ta broei 60 – 70 dia. Diamars 5’or di atardi tabatin un buraco chikito visibel den e centro di e cuadro forma door di e barricadanan di DOW, un buraco cu antes no tabata tei.

AVB Playoff  Subway “Caya 4” Organiza pa AVB ta continua diadumingo anochi ora cu e dos escolta nan di Britannia, e Speransa Berde di Savaneta, SV La Fama topa e dragon nan di Alto Vista, Nacional Washington.

Na aña 2008 e secretario di estado pa enseñansa (despues Minister) Sra. Marja van Bijsterveldt   a dicidi di ahusta e asina yama ‘zak/slaag regeling’ pa enseñansa secundario y haci’ e mas riguroso. Den e situacion bieu tawatin e posibilidad pa alumnonan cu tur cifra di examen central (CE) insuficiente, pero cu cifranan halto pa examen di scol (SE) por a slaag.

Diahuebs anochi cu presencia di Minister Presidente di Aruba y ehecutivonan local y internacional di Ennia a tuma lugar e cortamento di cinta di e edificio nobo. E edificio nobo aki ta uno cu un diseño ultra moderno situa pega cu Sasaki Weg. Despues di e cortamento di cinta e invitadonan por a drenta pa asina haya un tour di e edificio di dos piso.