Diahuebs, pa mas of menos 10’or y mey di anochi, algun hende den vecindario di Santana di Cacho a nota un boto cu tabata pega riba piedranan na costa p’ariba di Aruba.
Un patruya a wordo manda na e sitio, pero no a topa cu ningun hende. Si nan a bin haya un boto, pero cu motor friu, mustrando cu nan a ancra algun ora prome. Loke tabata remarcabel cu den nan ansha pa yega tera, nan a disparce lagando un paki di cocaina atras, cual a keda confisca. Den e boto, un speedboat bao di e nomber di Splendor, nan a bin haya algun trahe salvabida. A busca den vecindario, pero no a topa cu nada particular. Pero mirando cu a dura basta rato cu e personanan a yega tera, probablemente nan a wordo recogi. Loke tabata straño di henter e asunto ta cu na e oranan ey, ta haya varios bishitante na e luga conoci aki, pero ningun hende no a ripara yegada di e personanan aki. E caso aki ta bao di investigacion y hunto cu demas autoridadnan concerni, ta en busca di e personanan cu a drenta nos isla na un manera ilegal pa asina nan duna cuenta, con bin nan a yega Aruba y tambe ki pura nan tabata tin cu nan a laga nan cargo atras.
