Digicel Aruba a tene nan prome “Digicel Corporate Breakfast” diamars mainta na Hyatt Regency Resort, unda a presenta clientenan corporativo y prospecto nan servicio “Digicel Business”.
Durante e Corporate Breakfast e clientenan corporativo tabatin oportunidad di ricibi informacion di “tailored ICT solutions” cu ta sostene nan negoshi. Digicel tabatin e honor di conta cu oradornan di companianan renombra durante e encuentro di Digicel Corporate Breakfast, manera ta di Fortinet, Cisco, Avaya, Deloitte Dutch Caribbean, Aruba Networks y di Digicel Aruba mes.
Specialistanan di Digicel Aruba a facilita informacion riba desaroyonan di e industria di comunicacion, con companianan di telefon ta combirtiendo den proveedonan di servicio di ICT y ta na caminda pa bira un proveedo global di servicio di entretenimento. Digicel no ta presenta solamente capabilidad, pero tambe informacion y no solamente comercial sino informativo tambe.
Un sala yen di clientenan corporativo a ricibi presentacionnan yena cu informacionnan valioso riba “Internet of Thing”, innovacion y con nan por implementa esaki den nan trabou diario.
Wanda Broeksema, CEO di Digicel Aruba, a elabora di Digicel Aruba y e competencia di e Corporate Sales Team. Tambe el a gradici tur esunnan cu tabata presente pa yuda haci Digicel Corporate Breakfast un exito.
Brian Monpellier, Head of Business Sales Digicel Aruba, a haci un presentacion di e Digicel Business portfolio, henter e diseño di partnernan di Digicel Business y el a mustra dicon e ta un bentaha pa companianan traha cu Digicel Business como nan partner di Global ICT. Pa por resolve e retonan, baha costo, mehora eficiencia y con pa ta cla pa futuro.
Director di Risk Advisory di Deloitte Dutch Caribbean, Roy Jansen, tabata un di e oradornan y el a brinda informacion riba “Internet of Things”, smart cities, Cyber security, risk management y (ethical) hacking. El a duna diferente punto na e clientenan corporativo pa asina nan por uza den nan trabou diariamente.
Aruba Networks a trata over nan “Mobile First Architcture” y polisa di “Cliente prome – Cliente ultimo”, portofolio di locacion di servicio di Aruba y e integracion di “Clear Pass” y “IntroSpect” y su beneficionan.
Fortinet cu ta un partner di negoshi a tene su presentacion di diferente menasa cu tin den e mundo conecta. Asina mes, Fortinet tin diferente solucion riba sizenan perfecto pa tur compania, chikito, mediano, grandi y enterprise. Esunnan presente a ricibi informacion con pa integra “third party equipment” of aparatonan y isola hopi parti di network den caso di un “breach”.
Partner di Digicel, esta Cisco, a presenta con networking lo ta den futuro, intuitivo y e base di intencion. Tambe nan a papia di “Cisco ONE”, como Cisco ta enfocando mas. Cisco ta moviendo di ta “simplemente” hala cahanan. Den Cisco ONE e licencia di routers/switches lo intercambiabel, unda cambionan ta barata y facil.
Avaya a splica di e demanda di crecemento y e necesidad di Inteligencia Artificial den combinacion cu IVR (Interactive Voice Response). No como tecnologia, pasobra e comportacion y demanda di consumidonan y companianan ta cambia mas y mas. Den diferente paso y modulonan esaki por implementa te cu fingerprint, reconocemento di bos y/of cara of number y/of aparato di reconocemento. Nan ta desaroyando e servicionan aki, no pa pusha e tecnologia pero pasobra e mercado ta demanda.
Despues di e presentacionnan, e oradornan por a socialisa y contesta preguntanan di e clientenan. Hopi tabata interesa den e innovacionnan di internet y con e por yuda nan den nan negoshi, di cual a schedule hopi reunion durante e proximo dianan despues di e evento. Digicel Aruba tabata contento di a mira cu nan prome Digicel Corporate Breakfast tabata un exito.
