Diasabra banda di 11or a drenta un melding cu un auto marca Hyundai Atos y maneha pa un homber a bolter. E melding tabata riba Green Corridor.
Na yegada di polis a constata cu e auto lo a bin for di direccion di Pos Chikito pa Playa y a pasa e brug cu velocidad halto.
Den e birada despues di e brug e chauffeur a perde control y a ranca un palo di lus bay bolter riba caminda. Chauffer no a resulta herida. E auto no tabata tin seguro.
E chauffeur mes a admiti na Polis cu e seguro a caduca. Mester a sera caminda banda di rotonde Pos Chikito bin abou pa asina desvia e trafico pendiente investigacion. Den apenas 24 ora a dal dos palo di luz riba e mesun caminda di Green Corridor.
