Studiantenan na Amsterdam ta pagando un huur di 571 euro pa luna, un tarifa promedio mas caro. Na Rotterdam, e huur a subi cu 7,4 porciento, loke ta mas dificil di tur e ciudadnan mas grandi, te cu 458 euro, segun cifranan di Kamernet, un website grandi pa studentenhuisvesting. Na aña 2008 e tarifa promedio di huur di un kamer pa studiante nobo tabata na 329 euro. E tempo ey a papia di un escases riba mercado di camber, aunke cu e aña ey basta camber nobo a wordo ofreci na huur (9,2 porciento).
Escases
Hasta awo, e escases riba mercado di vivienda ta aumentando prijs di e cambernan pa studiante, Kamernet ta observa. Pa cuminsa, apenas tin propiedad di compra y huur disponibel den hopi ciudad. Esaki ta nifica cu esunnan cu ta riba 20 aña, ta sigui biba nan tempo den nan camber despues di nan educacion y ta haci cu e ta mas dificil pa studiantenan nobo bandona e cas di nan mayornan. Ademas, universidadnan en particular, ta purbando pa atrae mas y mas studiante stranhero, loke ta pone ainda mas presion riba e mercado di camber.
Di acuerdo cu e Union Nacional di Studiante LSVb, 40 mil studiante no por a haya un espacio di biba aña pasa. “E ora e tin sentido cu e huurnan ta bay halto,” e vice presidente Carline van Breugel a bisa.
E escases di espacio di biba ta conduci na problema den mas y mas ciudadnan estudiantil. Na Groningen studiantenan internacional mester drumi riba caya, pasobra e hotelnan pa studiante y otro luganan pa drumi ta yen. Riba un cierto pagina di Facebook “F**k the Housing Shortage” studiantenan internacional ta intercambia conseho riba e salanan cu ainda tabata disponibel na Groningen.
Centronan di refugiado
E municipio di Gorninten ta purba di reduci e problema door di aloha e studiantenan den centronan bashi pa refugiado. Tambe tin un “slaapboot”, unda cu e studiantenan por keda te ora cu nan casnan di container keda cla na October.
Van Breugel: “Y nos sa cu e studiantenan ta haya nan mes obliga na keda den un cas di anciano of den un campamento cu tent. Eynan nan ta paga 15 pa 35 euro pa anochi, cu facilmente por bira 1000 euro pa luna. Esey ta realmente enorme.
Studiantenan Internacional di UvA y Hogeschool van Amsterdam, ta biba riba nan propio cuenta den casnan di vakantie. Y pa e studiantenan nobo na Wageningen cu ainda no tin un espacio pa biba, ta organisa un luga pa campa. Durante nan Algemene Introductie Dagen, cu lo cuminsa diabierna, caminda cu 300 studiante por campa riba e campus – lo tin baño y wc disponibel.
Responsabilidad
LSVb ta sostene cu e institucionnan educativo mester recluta studiantenan stranhero di forma menos activo pa para e escases di vivienda. “Universidadnan tin e responsabilidad di ofrece alohamento na studiantenan.
Nan no por haci’e nan so y e municipio y corporacionnan di vivienda no tin suficiente luga pa e studiantenan. Pero si ya tin un escases di vivienda, no ta consehabel sigui recluta den exterior,” Van Breugel a bisa.
E sindicato a señala cu studia den otro paisnan hopi biaha ta vincula automaticamente na espacio di biba, por ehempel den un campus. “Pero ciertamente na Amsterdam ta un mundo completamente diferente pa e studiantenan. El a bira casi imposibel pa haya un camber. Y loke nan ta ofrece na huur, ta cada biaha mas priva y por lo tanto, e ta caro.”
Demasiado huur
E studiantenan cu ta sigura cu nan ta haya un luga di biba, hopi biaha nan ta paga demasiado pa esaki. Na 2016, 73 prociento di e studiantenan a perde un promedio di 100 euro pa luna. Na Amsterdam, e studiantenan a paga 160 euro dimas, na Utrecht 117 euro. E sindicato ta basa riab datonan di e website checkjekamer.nl, unda mas cu 6700 persona ta controla e huur di un camber na 2016. Otro siman, LSVb lo publica e cifranan pa 2017.
Di acuerdo cu Landelijk Monitor Studentenhuisvesting, aña pasa 357 mil studiante, 54 porciento di e total, a laga cas di nan mayornan pa biba “op kamers”. Cu 57 porciento, e hende muhenan a biba nan so na luga di hende homber (51 porciento), mientras cu tres cuarta parti di e studiantenan di 19 aña of menos ainda ta biba na cas. Mayoria di e studiantenan (53 porciento) ta biba den un camber cu instalacionnan comparti cu ta di un averahe di 18 meter cuadra, segun e estudio.
Durante e aña academico 2016-2017, studiantenan a gasta un promedio di 440 euro pa luna den gastonan di subsistencia, incluyendo e costonan adicional y despues di e deduccion di e subsidio di huur. E costo di vivienda per meter cuadra, ta di 24 euro. Ahusta pa inflacion, e costonan di vivienda a aumenta un 2,8 porciento anual, desde e aña academico 2012-2013.
Segun investigadornan, e haltura di e costonan di vivienda, tin e mayor influencia den e eleccion di un studiante pa biba den algun luga. Por ehempel, studiantenan tin entre 130 y 165 euro extra pa no por biba p’afo di e ciudad, sino den centro of den e campus of cerca di dje. Nan ta dispuesto pa paga 120 euro mas pa e gastonan di mantencion di un camber cu pa un camber unda cu nan tin cu comparti baño of wc, por ehempel.
