Den e caso “IBIS”, Hues Comisario den casonan penal di Corte den Prome Instancia di Aruba a duna ordo pa alarga detencion di e sospechosonan, Minister Paul F.T. Croes y di su chauffeur, Roque Aparicio, cu 60 dia mas.
Esaki riba peticion di Fiscal di Husticia.Huez Comisario a tuma e decision ey, pasobra mescos cu Fiscal, e tambe ta di opinion cu tin un sospecho fuerte cu Croes a haci su mes culpable na hechonan castigabel serio: soborno ambtelijk (pasivo), verduistering, labamento di placa, falsificacion y mensensmokkel.Pa loke ta e chauffeur, tin sospecho fuerte cu el a haci su mes culpabel hunto cu Paul Croes di soborno (pasivo) y labamento di placa. A hiba ambos sospechoso bek pa KIA. Tur dos ta ainda den beperking, loke kiermen cu nan no mag di tin contacto cu ningun hende, otro cu nan abogado.E investigacion ta sigui. E ekipo investigativo lo scucha mas testigo y sospechoso den e simannan nos dilanti.Expectativa di husticia ta cu e prome tratamiento (pro forma) den e investigacion lo tuma lugar na inicio di december 2017.
