Diahuebs mainta riba Green Corridor net prome cu pasa riba brug, si bo ta bahando di San Nicolas, polis, a tene un controle basta grandi unda a kita mas of menos 30 auto for di diferente persona, sea cu nan no tin rijbewijs, auto sigura of number di auto sikiera mita of full aña paga.
Esaki ta di 2 biaha cu polis ta tuma e controle grandi aki. Diasabra tambe polis a tene un control, unda cu basta multa a cay. Esaki ta un di e hopi controlnan cu polis lo sigui tene durante aña. Esey ta nifica cu chauffeurnan mester tin nan documentonan na ordo, pa asina nan no core cu e mesun suerte cu esnan cu a perde nan auto awe mainta.