Diamars mainta, a drenta informe di un atraco cu a sosode den un cas situa den Havenstraat. Ta trata aki di un hende homber, kende tabata drumi den su camber, pero pa su mala suerte a wordo atraca den su propio cas.
Aparentemente algun homber lo mester a drenta, unda cu nan a atrak’e. E asunto a bay asina hopi for di man cu a saca brasa di e homber for di luga y tambe a dal’e cu algo duro na su cabes, consecuentemente a mand’e fo’i tino. Polis y ambulance a presenta na e sitio. E cabayero a wordo hiba hospital pa asina ricibi asistencia medico avansa. Mientras tanto polis na e sitio ta tuma datonan necesario pa asina sigui cu nan investigacion y pa despues pone man riba e agresornan violento aki.
