Un homber de remate kier a hinca Polis diasabra anochi. Polis a bay pura den direccion di un compleho di apartamento den e area di Turibana na Noord. Ora Polis a yega na e sitio tabatin un homber masha agresivo y arma cu cuchiu. A ripara cu e persona aki ta un peliger pa esunnan presente y tambe pa nan mes.
E homber parce di tabata bou influencia di droga. Polisnan kier a atende cune pero den e caso aki a pidi refuerso. A saca unidad di Noord mesora cu e dogcatcher. Otro unidadnan di K-9 y Arestatie Team cu Team Motorisa a bay den direccion di e asistencia pa yuda nan colega.
Na dado momento e homber a ataca e Polisnan pero den forma tactico a logra mande tera y desarme. E tabata keda agresivo y Polisnan cu a yega a yuda tambe. Djey a bay cu e homber warda di Shaba y Fiscal a dicidi di tene cera. E no ta local segun informacion. E tabata papia Ingles. No ta conoci si e ta legal na Aruba.
